Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Turoperatorët konstatojnë interes të rritur ndaj Bullgarisë megjithë pandeminë

Foto: Pixabay

Ministrja e Turizmit Nikolina Angellkova pret që stina verore turistike në Bullgari të fillojë më 1 korrik. Këtë e parashikon skenari optimist për sektorin, duke pasur parasysh pandeminë e Covid-19.

Ku dhe si mund të pushojmë këtë verë? Të gjithë interesohemi për përgjigjen – turistët potencialë, të punësuarit në sektor, të cilët shpresojnë të ruajnë punën e vet, dhe shteti, në të cilin turizmi formon 12% prej PBB-së.

Kryetari i shoqërisë “Turizmi” Vencillav Krëstev vuri në dukje se prognoza për fillimin e stinës është “diçka e arritshme dhe realiste”, në qoftë se situata vazhdon të zhvillohet si deri tani.

Organizata ngul këmbë që Shtabi Operativ të përgatisë rregulla të qarta, të cilat të respektohen strikt nga pronarët e hoteleve, që t’u përgjigjen objektet e tyre masave kundërepidemike.

Çështjen për përqindjen e hoteleve, të cilat janë të gatshme të mirëpresin vizituesit e tyre gjatë stinës verore Krëstevi e komentoi kështu:

“Është vështirë të flasim, sepse shumë prej hotelierëve e kanë çliruar nga puna personelin e vet. Shtabi duhet të thotë se ku dhe simund të ndodhë kjo. Disa prej hoteleve dhe vendpushimeve të mëdha, të cilat kanë një hyrje dhe një dalje të veçantë, domethënë hotelet ku aksesi i klientëve është i kontrolluar, mund të përfshihen më herët. Në hotelet e vogla kjo është më e vështirë dhe nuk e di se si mund të ndodhë. Prandaj kemi kërkuar një protokoll të posaçëm nga Shtabi Operativ.”

Që të përgatiten rregullat duhet të merren rezultatet e analizës së udhëtimeve gjatë Festave të Pashkëve dhe të ndikimit të tyre mbi përhapjen e sëmundjes në vend. Megjithë pikëpyetjet e shumta rreth “Verës 2020”, jo pak turistë të huaj kanë shfaqur interes për të pushuar në Bullgari, thotë Vencisllav Krëstev në një intervistë për BNR – Radio Plovdiv.

Për hir të së vërtetës ka interes të madh. Gjatë disa ditëve të fundit ai po forcohet nga vende, të cilat gjenden më afër nesh – Rumania, Ukraina, Moldavia, Serbia, Maqedonia e Veriut. Ka interes edhe nga ana e Rusisë dhe Kazakistanit. Këtu eventualisht duhet të marrë pjesë edhe shteti, që të ndihmojë në ndonjë mënyrë transportimin e tyre deri në Bullgari, nëpërmjet subvencionimit të fluturimeve çartër etj. Çekët gjithashtu kishin shfaqur interes për krijimin sipas fjalëve të tyre të “korridoreve të ngrohta” mes Bullgarisë, Greqisë dhe Bullgarisë, sepse të paktën deri tani problemi i krizës së infeksionit te ne kontrollohet me sukses.”

Çfarë do të ndodhë deri në korrik dhe pas kësaj pritet të kuptojmë, por në qoftë se kemi mundësi të pushojmë, le të mbetemi në Bullgari. Vendi ynë disponon destinacione të jashtëzakonshme.

Përpiloi: Joan Kolev (sipas intervistës së Antonia Popovës nga Radio Plovdivi)

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Ishulli Shën Anastasia tashmë pret turistët në një kishëz nënujore

Atraksioni më i ri në rajonin e qytetit tonë të Detit të Zi Burgas është një kishëz nënujore pranë ishullit Shën Anastasia. Kishëza u zhyt në janar dhe ndodhet në një thellësi prej rreth 15 metrash, raportoi euronewsbulgaria. Ajo është rreth 3..

botuar më 24-02-28 6.25.PD

Bullgaria pret turistë të rinj nga Hungaria

Bullgaria është ftuar si mysafir ekskluziv në ekspozitën ndërkombëtare të udhëtimit TRAVEL+ në Budapest. Kjo është ngjarja më e rëndësishme në Hungari me një fokus të drejtpërdrejtë turistik, duke paraqitur ofertat më të fundit dhe më interesante..

botuar më 24-02-22 1.25.MD
Bazilika Episkopale e Filipopolit

Shtuan 7 destinacione të reja mes 100 Objekteve Turistike Kombëtare

Bazilika Episkopale e Filipopolit dhe ndërtesa antike e vonë "Ejrene" në Plovdiv janë tani pjesë e 100 Objekteve Turistike Kombëtare në Bullgari. Kështu vendosi Këshilli Koordinues i Lëvizjes Kombëtare "Njih Bullgarinë - 100 Objekte Turistike..

botuar më 24-02-22 10.49.PD