Në përkrahje të protestave antiqeveritare, të cilat tanimë për ditë të 12 me radhë po zhvillohen në të gjithë Bullgarinë, shpallen gjithnjë e më shumë bullgarë jashtë shtetit. Ata po kështu duan që zëri i tyre të mund të dëgjohet, organizohen në rrjetet sociale dhe shprehin dëshirën e vet për ndryshim. Berlin, Bruksel, Vjenë, Paris, Londër, Kopenhagë, Barcelonë dhe Haga janë një pjesë nga vendbanimet, në të cilat bashkatdhetarët tanë ngritën zërin e vet në përkrahje të protestave tek ne .
Gabriella Bençeva është koordinatore e protestës së parë në Nuremberg në (Gjermaninë Juglindore), që u zhvillua më 19 korrik. Ajo jeton në qytet prej 9 vjetëve. Aty ka përfunduar arsimin e vet të mesëm dhe të lartë. Aktualisht bullgarja 25 vjeçare është juriste e cila punon dhe arsimohet në Gjykatën e Nurembergut.
Sipas fjalëve të saj, kërkesat e bullgarëve në Gjermani nuk dallohen nga ato të bashkatdhetarëve të saj në Bullgari dhe nëpër botë, kurse ato janë - qeveria dhe prokurori i përgjithshëm të japin dorëheqje. Bullgarja e re është kategorike, se duhet të ketë dhe burg për fajtorët. Sipas saj, gjithnjë e më shumë bullgarë duan që të kthehen në atdhe, por jo dhe gjatë drejtimit të tanishëm. “Ne nuk jemi arratisur nga Bullgaria, por ata na dëbuan - nënvizon Gabriella, dhe shton. - Ne duam që të jetojmë në Bullgari”. Për bullgaren ky është mesazhi më i rëndësishëm, i cili duhet të arrijë deri te të gjithë.
Argumenti i qeverisë, për të mos dhënë dorëheqje është se, tani nuk është kohë për zgjedhje përpara afatit, duke pasur parasysh krizën e ardhshme ekonomike, si rezultat i pandemisë nga Covid-19. Një sërë analizuesish po kështu theksojnë se, mungesa e alternativës politike nuk ka sesi të sjellë deri në ndërrimin e modelit. Por, këto konkluzione nuk mund të ndalojnë valën e pakënaqësisë e cila përfshin dhe bullgarët nëpër botë. Për një pjesë të madhe prej tyre kufiri i durimit është i arritur dhe ka ardhur kohë për një ndryshim rrënjësor politik - është kategorike Gabriella Bençeva:
“Njerëz të arsimuar dhe inteligjentë dalin në rrugë dhe duan që t’i dëgjojnë - thotë ajo. Çdo një prej nesh mund të jetë një pjesë nga modeli i ri, por nuk duhet të lejojmë që drejtimi i tanishëm të mbetet. Në qoftë se vijnë njerëz të tjerë, nga të cilët po kështu nuk jemi të kënaqur, përsëri do të protestojmë. Derisa të mos të gjejmë njerëz inteligjentë, të arsimuar, të cilët të dinë sesi drejtohet një shtet. Dhe pse të mos të jenë njerëz të rinj, të cilët kanë mësuar jashtë dhe mund të tregojnë një tip të menduarit fare të ri? Perse kjo të mos të jetë një nga zgjidhjet?”
Në vazhdim të 30 vjetëve asnjë model i drejtimit nuk mundi që t’i detyrojë bullgarët e rinj të mos të ikin nga Bullgaria. Cilat prioritete të pushtetarëve mundet t’i bindin që të kthehen?
“Demokracia, sepse në sytë e mia ne nuk jetojmë në demokraci. Zakonet le të ndryshojnë në mënyrë të tillë, që të mund t’i përgjigjen demokracisë dhe të mund të jemi të sigurt se nuk ka korrupsion. Duhet të ngulmohet mbi arsimin dhe shëndetësinë. Është me rëndësi që t’i ruajmë njerëzit dhe hap pas hapi të nisemi në ndonjë farë drejtimi. Por, në rrugë sociale. Kjo e cila për mua është shumë e rëndësishme si juriste eshte transparenca. Kur qesh 16 vjeçe, doja që të shikoja sesi zhvilloheshin gjërat jashtë shtetit, si jetonin të rinjtë , si mendonin. Tani jam 25, përfundova studimet e mia në drejtësi. Në këtë moshë dua të kthehem në Bullgari dhe të jap diçka për vendin tim. Ajo që varet prej meje, do ta bëj”.
Përgatiti në shqip: Nataniela Vasileva
Fotot janë të ofruara nga Gabriella BençevaNë rreshtat e mëposhtëm, Radio Bullgaria do t'ju tregojë shkurtimisht kushtet të cilat shtetasit e huaj duhet të plotësojnë, që të përdorin ndihmën mjekësore në Bullgari nëse është e nevojshme. Cilët të huaj kanë të drejtë të përfitojnë nga..
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga Unioni Republikan Bullgar i Kinologjisë, së bashku me Bashkinë. Forumi ndërkombëtar përfshin..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”. Dashamirët e kësaj marke po mblidhen më 6 korrik (e shtunë) në zonën "Kostina", ku do të parakalojnë..
Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare,..
Donacionet dhe qëndrimi ndaj përparimit të shkencës dhe arsimit vendas janë lidhur me zhvillimin e arsimit të lartë në Bullgari. Falë shpirtit..