Radioja Kombëtare Bullgare © 2021 Të gjitha të drejtat janë të rezervuara

Pushimorja dimërore Borovec pret turistë nga vendi dhe nga Ballkani

Foto: BGNES

Bullgaria është në zonën e kuqe të hartës epidemike të Covid-19. Dega turistike prapë qëndron para vështirësive serioze. Megjithëkëtë pushimoret malore janë gati të tërheqin turistë me respektim rigoroz të masave antiepidemike. Ndër pushimoret e preferuara malore si nga bullgarët ashtu edhe nga të huajit është Borovec në malin Rilla.

Pushimorja Borovec ndodhet nja 70 kilometra larg kryeqytetit dhe tërheq mijëra turistë jo vetëm gjatë dimrit. Megjithëkëtë gjatë muajve të fundit u evidentua një ulje e ndjeshme të turistëve. Sipas të dhënave të Bashkisë së qytetit Samokov të ardhurat nga turizmi u ulën me afro 60 për qind.

“Situata për degën turistike është shumë e vështirë – thekson në një intervistë Bllagovestka Tomova, kryetare e Bashkimit të Hotelierëve dhe Pronarëve në Borovec. – E vërteta është se situata nuk është e vështirë vetëm për pushimoren, por edhe për vendin dhe për gjithë botën. Programet për mbështetje ndihmuan për të mbajtur punësimin e atyre që dëshironin të bashkoheshin, si dhe të atyre që plotësonin kushtet. Kërkesa e degës është që të tregohet periudha në të cilën këto programe do të vazhdojnë në mënyrë që të bëhet planifikimi. Pasiguria krijon shqetësime në të gjitha firmat. Shpresojmë që të kemi sezon dimëror dhe të mos ketë falimentime, sepse kjo do të ketë pasoja negative jo vetëm për ne, por për mbarë regjionin.”


Tani, kur vala e re e Covid-19 prapë kufizon mundësitë për turizëm pyetja është se në çfarë masë sektori është i gatshëm  të përballojë sfidat.  Në mbështetje të degës bashkia e qytetit Samokov zhvilloi takime me hotelierët dhe pronarët e restoranteve nga regjioni për të ndihmuar përgatitjen e tyre për sezonin turistik dimëror në krijimin e rregullave unike për pushim të sigurt të vizitorëve.

“E shfrytëzuam verën për të parashikuar se çfarë na pret gjatë dimrit. Ne bëmë një program me rregulla dhe udhëzime të hollësishme si për stafin, ashtu edhe për mysafirët. Programi po aktualizohet dhe po shtohet pa u ndërprerë me udhëzimet e institucioneve si ministritë e shëndetësisë dhe të turizmit. Ne gjithashtu ndjekim të gjitha trendët botërore dhe atë që bëjnë kolegët tanë jashtë shtetit. Mendoj se tani jemi më të qetë dhe më të përgatitur. Kjo, me të cilën nuk e bëjmë kompromis është respektimi i këtyre rregullave. Për ne shëndeti dhe siguria e nëpunësve tanë si dhe të miqve tanë është në radhë të parë.”

Në kohë të afërt të gjithë hotelierët në rajonin e qytetit Samokov do të koordinojnë programet e tyre për të marrë miratim nga bashkia e qytetit dhe nga Inspektorati Regjional Shëndetësor. Hotelierët iu shpresojnë kryesisht miqve nga Bullgaria dhe Ballkani. Pritet që shumica e turistëve të shfrytëzojnë transport personal për siguri më të madhe.

Po përgatitet dhe një reklamë aktive të pushimores Borovec dhe të rajonit. “Çdo reklamë do të jetë e dobishme për suksesin e sezonit dimëror”, është kategorike Bllagovestka Tomova.

Redaktore: Daringa Grigorova (sipas intervistës së Radio Sofjes të BNR)

Përgatiti në shqip: Svetllana Dimitrova

Foto: BGNES dhe arkiv

Më shumë nga rubrika

Ministrja Marijana Nikollova

Bullgaria kërkon udhëtim të lirë dhe kufij të hapur për shpëtimin e turizmit

Ne mbështesim krijimin e "korridoreve të shpejta të gjelbra" për të vaksinuarit dhe njerëzit që tashmë janë shëruar nga Covid-19. Në të njëjtën kohë nuk duhet të kufizohen edhe udhëtimet e evropianëve të tjerë. Kjo duhet të çojë në një ringjallje..

botuar më 21-03-01 2.04.MD

Manastiri Novosellski në një video reklamuese të Ministrisë së Turizmit

Bashkë me Shoqatën e Guidave Bullgarë, Ministria e Turizmit përgatiti një seri prej videove reklamuese, të cilat prezantojnë skajet shumë pak të njohura të Bullgarisë. Shikoni filmin 2 minutash, kushtuar manastirit të bukur Novosellski “Trinia e Shenjtë”..

botuar më 21-02-28 8.15.PD

7 ide për një fundjavë të paharrueshme në bashkinë Gërmen

Burime minerale, vendbanime etnografike, tradita kolorite, gjurma nga antikiteti, tablo të bukura natyrore – Bashkia Gërmen në Rodopet Perëndimore është e pasur me oferta për pushim dhe itinerare njohëse. Për disa prej fenomeneve më të famshme në këtë..

botuar më 21-02-27 11.55.PD