“Ai mbase ishte miku më i besuar të cilin ka pasur populli bullgar – në këtë mënyrë gazeta e autoritetshme britanike “The Times” përshkruan korrespondentin e vet shumëvjeçar në Gadishullin Ballkanik James Bourchier. Pasi ka jetuar në Bullgari një çerek shekull, Bourchier kthehet në një nga mbrojtësit më të autoritetshëm të kauzës bullgare, kurse dashuria e tij ndaj vendit tonë buron dhe depërton përmes reportazheve të tij të shumta.
Ai ka lindur më 18 dhjetor 1850 në qarkun e qytetit Limerick - Irlandë. Ka qenë shumë i arsimuar për kohën e vet në fushën e shkencave humanitare. Fillon të japë mësim në Ethan, por njëkohësisht me këtë shkruan dhe një sërë materialesh, me të cilat e tërheq vëmendjen e gazetës britanike me më shumë ndikim “The Times”. Për një kohë të shkurtër fiton një popullaritet të madh dhe besimin e gazetës, e cila e ngarkon me një detyrë të vështirë dhe përgjegjëse – të bëhet korrespondent për Evropën Juglindore. Kështu duke shëtitur nëpër gadishull, ai bëhen një ekspert i madh i politikës ballkanike.
James Bourchierzgjedh për të jetuar dhe për të punuar në Bullgarinë pas Çlirimit dhe mbetet në Sofje në periudhën 1892-1915. Shumë shpejt irlandezi është i pushtuar nga shteti ballkanik - ai lidh miqësi, pasionohet pas folklorit bullgar, mban veshje popullore bullgare, pi raki, ha qepë dhe madje fle i mbuluar me jamurlluk /gunë/.
Sidoqoftë, artikujt e gazetarit janë prova më e fortë e qëndrimit të tij ndaj vendit tonë dhe njohurive të tij për situatën në regjion. Ato janë një mundësi që publiku anglez të njihet në detaje me ngjarjet.
Në punën e gazetarit vihet re një synim i vazhdueshëm drejt objektivitetit.Sipas historianëve kjo duket mirë në disa artikuj jo dhe shumë të këndshëm për vendin tonë. Korrespondenti i gazetës “The Times” largohet nga Bullgaria me hyrjen e vendit tonë në Luftën e Parë Botërore gjatë vitit 1915, por më vonë shkruan disa artikuj, në të cilët dënon klauzolat e Traktatit Paqësor të Neuilly-sur-Seine, duke i përcaktuar si “shumë të ashpra”.
Pas vdekjes së tij gjatë vitit 1920 James Bourchier është i varrosur tek ne, në afërsi me Manastirin e Rillës.
Gazetari irlandez e dashuron Bullgarinë, por dhe ajo e do atë. Në ditët tona, në godinën përballë ish Pallatit Mbretëror në Sofje, në të cilin ka jetuar James Bourchier, ka një pllakë-monument të ndërtuar për nder të tij. Në një nga kopshtet e kryeqytetit ngrihet dhe busti i tij - monument, kurse në malin Rilla ka dhe një majë malore, e cila mban emrin e tij . Në këtë mënyrë Bullgaria shpreh mirënjohjen e vet ndaj një njeriu të huaj, i cili e ka dashur shumë vendin tonë dhe i cili ka marrë guximin ta mbrojë në një nga kohërat më të vështira për të, rikujton agjencia BGNES.
Përpiloi: Elena Karkallanova
Përgatiti në shqip: Nataniela Vasileva
Foto: BGNES
Agron Nuredinaj prej disa muajsh është pjesë e administratës së re bashkiake të qytetit të Kukësit në veri të Shqipërisë. Qendra bashkiake është përgjegjëse edhe për fshatrat në rajonin e Gorës, ku një popullsi me origjinë bullgare dhe me vetëdije..
Radio Bullgaria në formën e saj origjinale u shfaq një vit e një muaj pas krijimit të Radios Bullgare, në atë kohë Radio Sofja. Radio Bullgaria që në fillimet e saj paraqet një imazh të ndryshëm dhe autentik të vendit tonë dhe në këtë rol të rëndësishëm..
Ajo është një nga aktoret bullgare më të fotografuara në vitet 80 të shekullit të 20-të. Ajo ishte gjithashtu pjesë e trupës së Teatrit Kombëtar në Sofje me një prani të dukshme skenike. Ellzhana Popova është një legjendë për një brez të tërë bullgarësh...