Radioja Kombëtare Bullgare © 2021 Të gjitha të drejtat janë të rezervuara

Tipi i ri i koronavirusit përbën një rrezik të madh

Tani për tani, do të ketë një zbutje të masave vetëm në arsim

Foto: BGNES

I ashtuquajturi variant anglez i Covid-19 tanimë është tek ne dhe do të fillojë të grumbullojë shpejtësi, paralajmëruan autoritetet shëndetësore në brifingun e rregullt të Shtabit Operativ Kombëtar. Tani për tani është e sigurt se pas datës 31 janar, kur përfundon afati i gjendjes së jashtëzakonshme epidemike, do të zbuten  vetëm masat sa i përket kthimit të nxënësve të mëdhenj në klasë dhe të hapjes së palestrave.

“Deri në fund të muajit do të monitorojmë numrin e të sëmurëve dhe të të vdekurve dhe mbi këtë bazë do të marrim vendim se çfarë gjëje tjetër mund të hapim”, deklaroi kryeministri Bojko Borisov, i cili po kështu mori pjesë në brifing. Ai shtoi se, vendi ynë në këtë moment është si një oazë i vogël dhe është shumë rrezikuese të zbuten shumë masat. Sipas fjalëve të tij, kjo do të çojë deri në një sëmundshmëri dhe vdekshmëri të lartë, duke pasur parasysh shpërndarjen shumë të shpejt të tipit të ri të virusit.

Sa i përket ultimatumit të pronarëve të restoranteve se më 1 shkurt do të hapin restorantet e veta, pavarësisht nga vendimi i autoriteteve, Bojko Borisovi u përgjigj, se kjo është e drejta e tyre. Ai citoi të dhëna, sipas të cilave nga 30 mijë veta të punësuar në degë mezi 6300 kanë aplikuar për mbështetje të stafit të tyre dhe la të kuptohet se shumë prej tyre punojnë në sektorin gri. Kryeministri tha akoma se, zgjatja e gjendjes së jashtëzakonshme epidemike pas datës 31 janar do të thotë 100 milionë leva shtesë për biznesin i cili nuk punon.

Po vazhdon tendenca që numri i njerëzve të shëruar të tejkalojë disa herë numrin e atyre të cilët janë të sapo infektuar, tha ministri i shëndetësisë profesori Kostadin Angjellov.

Por kjo situatë mund të ndryshojë me tipin e ri të koronavirusit, paralajmëroi inspektori shtetëror shëndetësor docenti Angjell Kunçev. Sipas fjalëve të tij, ana optimiste është se ai nuk çon drejt sëmundjeve më të rënda, por shpërndahet shumë më shpejt.


Një rrezik i mundshëm është rritja e shumëfishtë e vdekshmërisë, meqenëse po shteron resursi i spitaleve dhe shumë njerëz mbeten pa një ndihmë mjekësore, shtoi kryetari i Shtabit Operativ Kombëtar gjenerali Vencisllav Mutafçijski. Në këtë moment 10 veta tek ne infektojnë 5-6 veta.


Gjatë javës së fundit, numri i të shëruarve është 31 456, kurse i të infektuarve është 2993. Nga shtretërit nëpër spitale për pacientë në një gjendje më të lehtë janë të zëna 29 % dhe 43% për të pranuarit në repartet intensive. Qyteti Razgrad, është qyteti me më pak të sëmurë nga koronavirusi, me 59 veta në 100 mijë. Më shumë raste të rieja për javën e fundit ka në qytetin Vraca.

Përgatiti në shqip: Nataniela Vasileva

Foto: BGNES


Më shumë nga rubrika

Shpallën 30 tetorin festë profesionale të ndërmjetësve të pasurive të paluajtshme

Me vendim të qeverisë bullgare data 30 tetor shpallet për festë profesionale të ndërmjetësve të pasurive të paluajtshme. Festa profesionale e agjentëve dhe ndërmjetësve të pronave të paluajtshme do të organizohet për vit më 30 tetor përmes..

botuar më 21-03-07 5.25.PD

Instaluan për herë të parë një transmetues satelitor mbi pelikanin kaçurrel

Në fund të muajit shkurt një ekip i Shoqërisë Bullgare për Mbrojtjen e Zogjve vendosi për herë të parë me sukses një transmetues satelitor mbi pelikanin kaçurrel në rajonin e liqenit Atanasovsko rreth qytetit Burgas. Transmetuesi peshon 33 gramë..

botuar më 21-03-06 9.15.PD

Një matematikan 17 vjeçar fitoi pjesëmarrje në një shkollë prestigjioze kërkimore në Shtetet e Bashkuara

Angjell Rajçev, nxënës në Shkollën e Mesme “Bojan Penev” në kryeqytet mbrojti teoremën e tij, me të cilën qe zgjedhur nga Instituti i Matematikës dhe Informatikës pranë Akademisë Bullgare të Shkencave për të marrë pjesë në shkollën prestigjioze..

botuar më 21-03-06 8.15.PD