Radioja Kombëtare Bullgare © 2021 Të gjitha të drejtat janë të rezervuara

85 vjet flasim në gjuhën tuaj

Milen Bellçev: “Fuqia e Radio Bullgarisë është në frymën kolektive”

Këtë vit Radio Bullgaria feston 85 vjet nga themelimi i saj. Edhe sot e kësaj dite ajo mbetet media e vetme që përhap informacion për vendin në 10 gjuhë. Shumë vite në epokën para-digjitale programi shumëgjuhësh i Radios Kombëtare Bullgare /BNR/ gëzonte popullaritet jashtë vendit, por ishte më pak i njohur në Bullgari. Arsyeja është se programet që paraqesin jetën aktuale, muzikën, kulturën dhe të kaluarën e vendit tonë transmetoheshin në valë të shkurtra dhe të mesme jashtë vendit - në gjuhë të huaja dhe në bullgarisht - për bullgarët në të gjithë botën.

“Kur filloi paraqitja jonë edhe në internet, të gjithë ishim të mendimit se hapësira e internetit është pa kufij dhe kjo do t’i popullarizojë edhe më shumë programet tona. Ato u bënë të disponueshme edhe në Bullgari” -  tha Milen Bellçev, redaktori i përgjithshëm i kryeredaksisë “Gjuhë të Huaja” të Radio Bullgarisë në vazhdim të shumë viteve. Para vitit 1989 programet ishin "nën mbulesën ideologjike", por pas ndryshimeve demokratike ato u bënë një burim objektiv i informacionit. Milen kujton se "në vitet '90 Radio Bullgaria u rendit në mesin e 10 stacioneve më të mira që transmetonin jashtë vendit dhe kolegët anglezë nga BBC na quajtën " BBC në Ballkan ".

Rajna Konstantinova, Angell Nedjallkov – drejtor i Radio Bullgarisë dhe Milen Bellçev – redaktor i përgjithshëm, në një festë të BNR-së.

Në vitin 2004, kur Radio Bullgaria drejtohej nga Angell Nedjalkov, u krijua sajti i parë i BNR-së në internet, vetëm me informacion të programeve të Radio Bullgarisë, në 11 gjuhë - bullgarisht, anglisht, gjermanisht, rusisht, frëngjisht, spanjisht, serbisht, greqisht, shqip, turqisht dhe arabisht. Faqja u vlerësua shumë lart, duke përfshirë këtu dhe ekspertët e huaj, dhe fitoi disa çmime. Njëri prej tyre daton në të njëjtin vit 2004 - në Festivalin Ndërkombëtar të Uebit në vendpushimin e Allbena, ku u shpall sajti i vitit.

Milen është i bindur se pasuria më e madhe e Radio Bullgarisë janë njerëzit, “sepse njerëzit e krijojnë institucionin dhe jo institucioni – njerëzit”. Ai thekson se këtu kanë punuar përkthyesit më të mirë. Është vështirë të numërohen të gjithë që kanë lënë gjurmë në historinë e medias:

"Që në fund të viteve 1930, kur filluan transmetimet, programet në gjermanisht lexoheshin nga një punonjës i Ambasadës Gjermane në Sofje dhe në italisht - nga Petër Uvaliev, një nga intelektualët më të mëdhenj në historinë bullgare" - vë në dukje bashkëbiseduesi ynë.

Në kohën më të re këtu punonin Vencesllav Nikollov - autor i një fjalori bullgaro-spanjisht, Millko Conev - përkthyes i veprave të shkrimtarit të madh grek Nikos Kazanxaqis, Xhoko Rosiç – aktor i dashur bullgar, i cili ka lindur në Jugosllavi, studiuesja e gjuhës spanjolle Katja Dimanova - me disa çmime nga Bashkimi i Përkthyesve për arritje të jashtëzakonshme në fushën e letërsisë artistike, Ivan Avuski nga Redaksia e Gjuhës Franceze - 30 vjet korrespodent i botimeve të autoritetshme sportive "France Football" dhe "L'Équipe", koleget nga Redaksia e Gjuhës Shqipe, të cilat, për shkak të gjuhës së tyre të rrallë, shoqëronin të gjithë mysafirët zyrtarë që mbërrinin në vendin tonë nga Shqipëria, thotë Milen Bellçev.

Ekipi i Redaksisë së Gjuhës Turke feston 10 vjet nga rimëkëmbja e transmetimeve në Bullgari.

Ai gjithashtu kujton kohën kur transmetuesit shkuan në duar private dhe nën presion Radio Bullgaria filloi të mbyllte programet e saj transmetuese. Qindra letra dhe telefonata mbërritën nga e gjithë bota me një kërkesë: "Mos e bëni!" Milen i ka kushtuar më shumë se 30 vjet të jetës së tij radios. E ka filluar rrugën e vet profesionale si bashkëpunëtor në Redaksinë e Gjuhës Turke para se të arrijë postin e redaktorit të përgjithshëm të programeve në gjuhë të huaja dhe i di shumë mirë hidhërimet dhe gëzimet e medias nga brenda. Ai kujton të ashtuquajturin “Proces i Ringjalljes”(i cili filloi në vitin 1984, për shkak të të cilit në vitin 1989 360 000 veta ishin të detyruar për t’i braktisur shpejt shtëpitë e tyre duke kërkuar strehim në Turqinë fqinje)dhe kohërat e vështira për kolegët e tij në Redaksinë e Gjuhës Turke, e cila u mbyll. Prandaj, kur u zgjodh redaktor i përgjithshëm i redaksisë “Gjuhë të huaja”:

Drejtoresha e BNR-së Polja Stançeva përshëndet ekipin e Redaksisë së Gjuhës Turke me rastin e përvjetorit të dhjetë të rimëkëmbjes së emisioneve në turqisht për vendin tonë.

“Një prej gjërave të para që bëmë me drejtorin e Radio Bullgarisë Angell Nedjallkov gjatë vitit 1994 ishte të rimëkëmbnim programet në turqisht në vend. Ndër të tjera, të njëjtin vit, filloi edhe transmetimi i programeve në gjuhën ruse.

Sot, kur festojmë përvjetorin tonë të 85-të, Milen është i bindur se fuqia e Radio Bullgarisë është në frymën kolektive dhe punën ekipore të të gjitha redaksive. Pyetjes se si arrihet kjo, ai iu përgjigj kategorikisht:

Ekipi i Radio Bullgarisë dërgon një prej drejtoreshave të Radio Bullgarisë Rajna Konstantinova për në Gjenevë – ajo do të zërë postin e lartë të „Drejtorit të Radios“ në Bashkimin Evropian të Radio-Televizioneve.

“Më e rëndësishmja është që udhëheqësi i ekipit të mund t’i shtypë negativet e çdo njërit dhe të nxjerrë në pah pozitivet e tij. Nuk ka të sëmurë, nuk ka të shëndoshë – duhet të punohet!”

Përgatiti në shqip: Vesella Mançeva

Foto: arkiv

Më shumë nga rubrika

Rajna Konstantinova: Ju uroj suksese në këto kohë të vështira!

Rajna Konstantinova është ndër personalitetet, që gjithë karrierën e tyre profesionale ia kushtuan Radios. Para disa vitesh e fundit zinte postin e kryetares së Këshillit Publik të Radios Kombëtare Bullgare (BNR), para kësaj për një kohë jo aq të..

botuar më 21-04-18 7.10.PD

Kuizi i parë online i Radio Bullgarisë tregoi njohuri të mira për historinë bullgare

Me rastin e  përvjetorit të 85 të programeve të para të BNR-së për jashtë shtetit  Radio Bullgaria startoi një  lojë me pyetje  për kulturën dhe historinë bullgare. Në edicionin e parë ju pyetëm: Me cilën ngjarje historike e lidhni festën..

botuar më 21-04-17 12.55.MD
Vencesllav Nikollov

Vencesllav Nikollov: Radio Bullgaria është periudha më e mirë në jetën time

Përvjetori i 85 i Radio Bullgarisë është një arsye që t’ju takojmë me veteranët e redaksive të gjuhëve të huaja, të cilët e hapën rrugën e programeve për të huaj të Radios Kombëtare Bullgare. Padyshim shumë prej tyre duhej të përballeshin me sfidat..

botuar më 21-03-27 10.15.PD