Programi i ditës

Radioja Kombëtare Bullgare © 2021 Të gjitha të drejtat janë të rezervuara

Regjisorja Maja Vitkova-Kosev për bamirësinë, artin dhe jetën mes tyre

Foto: Viktoria Films

Pa ndonjë rëndësi nëse festoni 8 marsin, nëse e lidhni me politikë, ideologji ose luftë për barazinë gjinore, data me siguri që ka hijeshinë dhe kontradiktën karakteristike femërore. Sot, ju tregojmë për një grua të re, e cila vet pohon se, nuk e konsideron 8 marsin për një datë të rëndësishme në jetën e saj.  

Ajo është Maja Vitkova-Kosev - regjisore, producente dhe skenariste. Një grua, e cila punon në botën akoma shumë të fortë të meshkujve, siç është bërja e filmave, por njëkohësisht  nuk le pas dore dhe nevojën e një gruaje për të ndihmuar, ashtu siç mundet dhe kur mundet. Maja e njeh shumë mirë temën e gruas, një pjesë e madhe nga projektet e saj të filmave deri në këtë moment  u janë kushtuar lidhjeve, të cilat i formon një grua si nënë, vajzë, bashkëshorte, shoqe. Tema, e cila është e gërshetuar dhe në historinë e filmit të saj debutues me metrazh të plotë “Viktoria”. Gjatë vitit 2014 ai bëhet  titulli i parë bullgar me premierë në festivalin më të madh për kinemanë e pavarur në botë - Ѕundаnсе. Pasojnë mbi 70 pjesëmarrje nëpër festivale ndërkombëtare dhe 10 çmime.

“Dhe kur përmende “Viktoria”- kam menduar shumë mbi çështjen e lidhur me lëvizjen “Me too”, e cila u paraqit aty rreth vitit 2015, debati për të drejtat e grave, për këtë të jemi të barabartë dhe si pagim, dhe si qëndrim, dhe si financim, kur flasim për kinema. Në Bullgari ky model akoma nuk punon. Patëm biseduar me kolegë, gra regjisore për shembull për këtë se duhet të kërkojmë kuotë për financimin e projekteve. Dhe pavarësisht nga realiteti dhe pa asnjë notë të keqardhjes Maja vazhdon të shkruajë historinë e saj në kinema:  

“Aktualisht po përgatis dy filma me metrazh të shkurtër, të cilëve unë jam skenariste, regjisore dhe producent. Prej 3 vjetëve kam vënë në veprim një projekt shumë të madh “Afrika” në një bashkëpunim me Francën, Suedinë dhe Rumaninë, i cili është dhe mbartës i dekoratës për skenar më të mirë evropianolindor të “Krzysztof Keszlowski”, që jepet çdo vit në festivalin në Kan. Dhe po kështu jam dhe producente e një regjisore të re,  grua-kolege, Kristina Spasovska”.  


Dhe meqenëse skenari më interesant gjithmonë është jeta, Maja merr pjesë me zemër, me kohë dhe përpjekje dhe në të. Që nga fillimi i vitit 2020  organizon aksione të bamirësisë për shtëpi të ndryshme në Sofje dhe njerëz të veçantë, përmes të cilëve furnizon ilaçe, ushqime, materiale, rroba dhe çdo gjë nga të cilat ata nevojiten.

“Çdo gjë filloi në mënyrë shumë spontane. Qe rreth përvjetorit nga vdekja e babait tim dhe unë doja që të bëj diçka në emër të tij. Zbulova një shtëpi për njerëz të moshuar me të meta mentale, të cilëve u ndihmojmë më shumë se 1 vit.”

Vetëm gjatë muajit dhjetor Maja dhe bashkëmendimtarët e tjerë kanë organizuar 40 aksione të veprimtarisë dhuruese. Tani po nis një aksion i ri, fillimin e të cilit e ve bullgari Petër Petrov, i cili jeton në Vjenë dhe bën dhurim prej 20 kavanozave me mjaltë.


E vërteta është se njerëzit i përgjigjen shumë shpejt dhe me gjithë zemër bamirësisë, thotë Maja.

“Kemi një dhuruese nga Seattle, të cilën unë nuk e njihja përpara kësaj. Ajo për shembull  fare qetësisht i porosiste produktet, të cilat do që t’i dhurojë online dhe i dërgonte direkt ose deri tek ne ose deri tek njerëzit, që donte që t’i marrin. Kemi në dhuruese tjetër, e cila u përfshi në aksionin për 100 anëtarë të moshuar të Lidhjes  të Piktorëve Bullgarë , të cilëve u dhuruam paketa të plota me ushqim. Në veprimtarinë tjetër do të mbledhim materiale për të pikturuar, meqenëse shumë nga këta njerëz preferojnë të vdesin nga uria, por të mund të kenë mundësi të pikturojnë. E vërteta është se kaq shumë njerëz kanë nevojë për një përkrahje ose të dinë se nuk janë vetëm, se nganjëherë çuditesh se që ku të fillosh”.

Dhe nëse akoma nuk e keni kuptuar se përse ajo ka zgjedhur t’i përkushtojë forcat e veta artit Jetë, e jo të përgatisë premierën tjetër të saj të madhe, përgjigja është: “Balanca”. Duhet të japim kaq sa marrim, është e bindur Maja:

Përgatiti në shqip: Nataniela Vasileva

Foto: Viktoria Films, Facebook /Maya Vitkova-Kosev


Më shumë nga rubrika

Ivan Stançov

U nda nga jeta një diplomat i famshëm bullgar me shpirt fisnik

Në moshën 92 vjeçare në Britaninë e Madhe vdiq Ivan Stançov – një diplomat i shquar bullgar dhe ministër i punëve të jashtme i Bullgarisë (1994-1995).Sipas shembullit të gjyshit të tij, Dimitër Stançov, ambasador në Britaninë e Madhe (1908, 1922..

botuar më 21-11-25 11.08.PD

Ukrainasja Natalija Elis dhe parajsa e saj me kaktuse në fshatin bullgar Markovo

Bullgaria u bë një shtëpi të re për ukrainasen Natalija Elis para pesë vitesh. Nga qyteti bregdetar Odesa, në fshatin piktoresk Markovo, rajoni i qytetit Plovdiv (Bullgari Jugore), ajo mbërrin me bashkëshortin e saj, një qen, tri mace dhe 50 000..

botuar më 21-11-25 7.15.PD

Presidenti i ri i vjetër – Rumen Radev

Rumen Radev fitoi raundin e dytë të zgjedhjeve presidenciale dhe do të mbetet në detyrë për akoma pesë vjet. Ai është Kreu i dytë i Shtetit, pas Georgi Përvanov (2002-2012), që fiton besimin e bullgarëve për të dytin mandat radhazi. “ Arsyeja..

botuar më 21-11-21 10.43.MD
Подкасти от БНР