“Po llogarisim hapat e para nga fundi i valës së tretë të Covid-19 me tendenca shumë të brishta të uljes së vdekshmërisë”, deklaroi në brifingun e rregullt të autoriteteve shëndetësore profesori Kostadin Angjellov, ministër i shëndetësisë. Përqindja e testeve pozitive ra me 3% për ditë, kurse të shëruarit po afrojnë numrin e rasteve pozitive.
Në asnjë zonë nuk ka më shumë se një mijë raste të koronavirusit për 100 000 njerëz.
Vendi ynë në këtë moment zë vendin e nëntë në Bashkimin Evropian për nga sëmundshmëria me 635 veta në 100 mijë dhe vendin e dytë për nga vdekshmëria, njoftoi inspektori i përgjithshëm shëndetësor shtetëror docent Angjell Kunçev. Zonat me më shumë të sëmurë me Covid-19 janë Sofja, Varna, Pernik dhe Burgas, kurse me më pak – Razgrad, Vidin, Kërxhali dhe Tërgovishte. Sipas inspektorit, sipas treguesve: numrit të testeve pozitive, të sëmurëve dhe të vdekurve, të dhënat janë më të ulëta në krahasim me valën e dytë të infeksionit.
Shefi i Shtabit Operativ Kombëtar gjenerali Vencisllav Mutafçijski tha se, tendenca tek të vdekurit akoma është në rritje - 23 në 100 mijë veta, derisa tek të sëmurët po vihet re një ulje e brishtë - 0,5% në krahasim me javën e kaluar. Në spitalet 74% nga shtretërit për pacientë pa ndërlikime janë të zëna ndërsa në repartet intensive 64%.
Nga data 12 prill në mënyrë të pjesshme rivendoset trajnimi pjesëmarrës në shkollë, njoftoi ministri i arsimit Krasimir Vëllçev. Nxënësit nga klasa e parë deri në klasën e katër kthehen në shkollë, si dhe klasat e 7,8 dhe 10, të cilët do të këmbehen mbi parimin e rotacionit me klasat më të mëdha. Sipas ministrit situata në arsim është e mirë - dy herë më pak janë nxënësit dhe mësuesit të sëmurë dhe të infektuar në sajë të vaksinimit dhe të trajnimit të pjesshëm ballë për ballë. Aktualisht rreth 500 mësues dhe nëpunës jo pedagogjik janë me koronavirus.
Ministri i shëndetësisë u rekomandoi të vaksinuarve me dozën e parë të preparatit të “Astra Zenekës” të mos frikësohen, meqenëse kanë kaluar më shumë se dy javë - kohë , në të cilën ndërlikimet jashtëzakonisht të rralla shfaqen. Sipas Agjencisë Evropiane të Barnave ka një lidhje të supozuar midis këtyre reagimeve dhe vaksinës së Oksfordit. Prandaj dhe mjekët duhet t’u kushtojnë një vëmendje më të madhe pacientëve me gulçim, me dhimbje në gjoks, me një fryrje të gjymtyrëve të poshtme dhe me probleme në të parin, tha akoma profesori Kostadin Angjellov.
Autore: Diana Cankova
Përgatiti në shqip: Nataniela Vasileva
Druri bullgar, jo i importuar, është lënda e parë kryesore për industrinë e përpunimit të drurit dhe mobilieve në vendin tonë. Këtë e theksoi zëvendësministri i bujqësisë, Mirosllav Marinov, në hapjen zyrtare të edicionit të 20-të të ekspozitës..
“Planeti kundër plastmasës” është tema e Ditës së Tokës, të cilën e festojmë më 22 Prill. “Iniciativa për t'i dhënë fund plastikës” po koordinon aktivitetet globale për festën. Me këtë rast, para BNR-së, Ejdën Sharën, drejtor i organizatës “Dita e..
Pas perëndimit të diellit (ora 17) më 22 prill, fillon Pesah - një nga tre festat më të mëdha për hebrenjtë. Si datë dhe ditë, festa është e ndryshueshme dhe ndodh pas ditës së 14-të të muajit pranveror të Nisanit, duke filluar pas ekuinoksit..
Më thuaj çfarë ke në tavolinë që të të them se çfarë je duke festuar. Kështu, me shaka mund të shikojmë kalendarin bullgar të festave nga e kaluara deri..
Një projekt i financuar nga Bullgaria do të rrisë kapacitetet e punonjësve në administratën e Bashkisë së Bulqizës, Shqipëria Lindore, për..