Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Biznesi gjerman: Problemi kryesor në Bullgari është mungesa e krahut të punës dhe korrupsioni

Foto: Dhoma Gjermane-Bullgare e Industrisë dhe Tregtisë

Një sondazh i Dhomës Gjermane-Bullgare të Industrisë dhe Tregtisë tregon korrupsionin, kriminalitetin dhe mungesën e transparencës në prokurimet publike si probleme kryesore për bizneset në Bullgari, njoftoi reporterja e BNR-së Natalija Gançovska.

Sondazhi për mjedisin e biznesit në vendin tonë zhvillohet për të 15-in vit midis anëtarëve të dhomës. 97% e të anketuarve tregojnë se do të investonin përsëri në Bullgari, 41% e konsiderojnë vendin tonë një vend tërheqës për investime. Pothuajse gjysma e pjesëmarrësve në sondazh (48%) vlerësojnë si të mirë gjendjen e ndërmarrjes së tyre. 30% e kompanive të anketuara planifikojnë të emërojnë punonjës të rinj, ndërsa 13% ka shumë të ngjarë që të çlirojnë një pjesë prej stafit të tyre. Gjysma e ndërmarrjeve kanë vështirësi në gjetjen e punëtorëve të kualifikuar. Në këtë drejtim, sipas të anketuarve në Bullgari, është e nevojshme të futen elementë të sistemit të përgatitjes duale profesionale që u imponua në Gjermani.

87% e ndërmarrjeve vlerësojnë pozitivisht anëtarësinë e Bullgarisë në BE. 67% e të anketuarve dëshirojnë futjen e euros, 18% janë "kundër". Për sa i përket infrastrukturës, vendi ynë renditet i 10-ti ndër 16 vendet e Evropës Qendrore dhe Lindore. Për herë të radhës pakënaqësia më e madhe e kompanive është në lidhje me luftën kundër korrupsionit dhe krimit. 81% e të anketuarve janë shumë të pakënaqur ose të pakënaqur, ndërsa 70% e tyre janë shumë të pakënaqur ose të pakënaqur me jo-transparencën në prokurimet publike.

Pyetjes "Cilat pasoja të pandemisë së koronavirusit kanë ndikimin më të madh në kompaninë tuaj?" - 69% e të anketuarve i përgjigjen kufizimet e udhëtimit, ndërsa 47% anulimin e ngjarjeve tregtare dhe panaireve. 61% e pjesëmarrësve në studim presin që ekonomia bullgare të rimëkëmbet në vitin 2022 dhe qarkullimi i ndërmarrjes së tyre nga kohërat "para koronavirusit" të kthehet gjithashtu në 2022.

Lidhur me masat e marra nga qeveria për të zbutur pasojat ekonomike të pandemisë së koronavirusit vetëm 15% janë të kënaqur dhe 25% janë të pakënaqur.

Gjermania është tregu më i rëndësishëm i huaj për produktet bullgare. Sipas të dhënave të Ministrisë Federale të Ekonomisë dhe Energjetikës të Gjermanisë, shkëmbimi tregtar midis Bullgarisë dhe Gjermanisë për vitin 2020 arrin në 8207 miliardë euro, dmth. ka një rënie prej 3.6% në 2020 krahasuar me vitin 2019, njoftoi BGNES.



Последвайте ни и в Google News Showcase, за да научите най-важното от деня!

Më shumë nga rubrika

Bullgaria përparon drejt eurozonës dhe Banka Evropiane për Rindërtim dhe Zhvillim eksploron investime të reja

Bullgaria po bën përparim të mirë drejt anëtarësimit në eurozonë, pasi inflacioni po zvogëlohet drejt kufijve të përcaktuar nga kriteret. Këtë e tha për BTA, presidentja e Bankës Evropiane për Rindërtim dhe Zhvillim (BERZH), Odile Renaud-Basso...

botuar më 25-03-20 9.26.PD

Bullgaria mbetet vendi me pagën minimale më të ulët në BE

Bullgaria renditet e treta në mesin e vendeve të BE-së për sa i përket rritjes së pagës minimale në periudhën 2015-2025. Sipas Eurostat, gjatë kësaj periudhe paga minimale në vend është rritur nga 184 euro në 2015, deri në 551 euro, 10 vite më..

botuar më 25-03-19 10.44.PD

Eurozona dhe Bullgaria – nga skepticizmi deri në padurim

Më pak se një muaj më parë në Bruksel, ministrja e financave Temenuzhka Petkova prezantoi përparimin e Bullgarisë në përgatitjen për anëtarësim në Eurozonë. Aty ajo deklaroi se me politikën e saj të arsyeshme fiskale vendi ynë e ka merituar prej..

botuar më 25-03-17 7.05.PD