Programi i ditës

Radioja Kombëtare Bullgare © 2021 Të gjitha të drejtat janë të rezervuara

Të gjitha 421 makinat e votimit jashtë vendit u furnizuan

| rinovuar më 21-07-05 6.26.MD
Svetllan Stoev
Foto: BGNES

Të gjitha 421 makinat e votimit u furnizuan jashtë vendit dhe u dërguan në misionet diplomatike dhe konsullore. Kjo u bë e qartë nga një konferencë shtypi dhënë nga Ministri i përkohshëm i Punëve të Jashtme Svetllan Stoev.

Gjatë kësaj jave, makineritë do të furnizohen në seksionet përkatëse dhe do t'u dorëzohen punonjësve të autorizuar.

Për momentin, seksionet jashtë janë dy herë më shumë sesa në zgjedhjet e rregullta parlamentare më 4 prill, tha Stoev. Ai falënderoi komunitetet bullgare jashtë dhe theksoi se ata janë një partner i vlefshëm në organizimin e zgjedhjeve.

Ministri Stoev gjithashtu vuri në dukje disa probleme specifike në lidhje me zgjedhjet jashtë vendit, për të cilat pritet një vendim i Komisionit Qendror Zgjedhor (KQZ).

Njëra prej tyre është se përbërja përfundimtare e komisioneve sektoriale të zgjedhjeve nuk është aprovuar ende. Një problem tjetër është se këta njerëz nuk janë trajnuar nga KQZ. “Për fat të keq, nuk ka udhëzime metodologjike”, shtoi Stoev.

Bullgarët do të mund të votojnë në këto zgjedhje në këndet më të largëta të botës:

Seksioni më perëndimor nga gjithsej 782 seksionet në 68 vende do të jetë në San Francisko, SHBA, ai më lindor - në Auckland, Zelanda e Re, ai më verior - në Tromso, Norvegji dhe seksioni më jugor - në Christchurch, Zelanda e Re.

Do të mund të votojnë edhe bashkatdhetarët tanë që nga Tokioja e Japonisë, përmes Nigerisë, Bavaros në Republikën Dominikane e gjer tek Argjentina, Surguti në Rusi dhe Afrikën e Jugut.

Ministria e Punëve të Jashtme dërgoi 380 persona jashtë vendit dhe 2530 njerëz u propozuan nga komunitetet bullgare dhe përfaqësimet tona të huaja si anëtarë të Komisioneve Sektoriale të Zgjedhjeve.

Rreth 1 350 njerëz janë propozuar nga partitë politike si anëtarë të Komisioneve Sektoriale të Zgjedhjeve jashtë, tha Ministri Stoev në konferencën në fjalë.



Më shumë nga rubrika

Pronarët e restoranteve, hotelierët dhe tregtarët janë duke përgatitur një protestë kombëtare kundër Covid-certifikatës

Shoqatat e restoranteve, industrisë së turizmit dhe qendrave të shitjes me pakicë organizojnë një protestë kombëtare ditën e enjte - 28 tetor. Ata kundërshtojnë masat e qeverisë së përkohshme kundër Covid-it dhe konkretisht futjen e certifikatës..

botuar më 21-10-26 3.37.MD

Gjykata Kushtetuese vendosi se “seksi” është vetëm një koncept biologjik

Termi “seks”, sipas Kushtetutës, duhet kuptuar vetëm në kuptimin e tij biologjik, vendosi Gjykata Kushtetuese me 11 vota pro. Kundër ka qenë vetëm Georgi Angellov, njofton gjykata. Pyetja: “Si duhet kuptuar termi “gjini” i përdorur në..

botuar më 21-10-26 3.12.MD

Anija e bllokuar me një ngarkesë të rrezikshme u tërhoq nga bregu bullgar

Në ditën e 36-të të ngecjes së anijes “Vers Su” pranë zonës së mbrojtur “Jajllata”, ajo u tërhoq me sukses nga shkëmbinjtë pranë Kamen Brjag. Aksioni zgjati më shumë se 7 orë me pjesëmarrjen e 3 rimorkiatorëve. Anija drejtohet në portin e Varnës. E..

botuar më 21-10-26 9.46.PD