Programi i ditës

Radioja Kombëtare Bullgare © 2021 Të gjitha të drejtat janë të rezervuara

Filluan konsultimet politike me Presidentin

| rinovuar më 21-07-23 5.29.MD
Foto: BGNES

Presidenti Rumen Radev filloi konsultimet me partinë "Ka një popull të tillë" (ITN) për të dorëzuar një mandat për ta formuar qeverinë e re. "Le të braktisim tezën “Zgjedhje të parakohshme”, bëri thirrje Presidenti.

“Jemi të qartë se ne, si fitues në zgjedhjet parlamentare, e kemi përgjegjësinë. E kuptojmë shumë mirë se duhet të formojmë një kabinet, u përgjigj Toshko Jordanov nga ITN. "Nga ana tjetër, ne shpresojmë që partitë e tjera politike, me përjashtim të GERB-it, do të injorojnë gjithashtu disa nga qëllimet e tyre partiake." Ne do të propozojmë një kabinet, premtoi Jordanov, duke saktësuar se mund të shkojmë në zgjedhje të parakohshme nëse partitë e tjera mbështeten kryesisht tek interesat e tyre partiake.

“Si hap i parë, ne do t'i përgjigjemi ftesës për bisedime nga ITN ditën e shtunë, ku do të shohim se çfarë do të ofrojnë ata”, tha para gazetarëve udhëheqësja e BSP Kornelija Ninova. Gjatë konsultimit me Presidentin, ajo tha se nëse nuk do të realizohen mandati i parë dhe i dytë, socialistët do të përpiqen të formojnë një qeveri.

Hristo Ivanov, kryetar i grupit parlamentar të “Bullgarisë Demokratike”, i tha Presidentit se formacioni është i gatshëm të kontribuojë në formimin e një qeverie të rregullt, por nuk do të bëjë këtë me çdo kusht.

Në takimin me Presidentin, udhëheqësi i Lëvizjes për të Drejtat dhe Liritë (DPS) Mustafa Karadajë bëri thirrje për një kthim të normalitetit në politikë, duke thënë se për këtë është i nevojshëm dialog. “Është me rëndësi historike në këtë moment të formohet një qeveri me përparësi të qarta dhe afate për zbatimin. Më e rëndësishmja është se çfarë program do të realizohet”, tha Karadajë.

Ne do të mbështesim një qeveri të ndryshimit, por jo nëse në të është i dukshëm krahu i gjatë i GERB dhe DPS, sepse kjo do të jetë një përqafim toksik”, tha Maja Manollova nga “Ngrihu.bg! Ne po vijmë!” në fillim të konsultimeve me Presidentin. Formacioni tha se do të mbështesë një kabinet prioritetet e të cilit janë rritja e të ardhurve, duke përfshirë më të prekshmit, kompensime për biznesin dhe reforma gjyqësore.

“Shpresoj shumë që të gjenden pikëpjekje të përparësive, qëllimeve, vlerave, që të gjendet një kompromis i arsyeshëm, në mënyrë që të formojmë një kabinet sa më shpejt të jetë e mundur”, tha Presidenti Rumen Radev gjatë konsultimeve.





Më shumë nga rubrika

Rosica Mateva

Nuk do të kërkohet certifikatë e gjelbër për zgjedhjet e 14 nëntorit

"Nuk do të kërkohet certifikatë e gjelbër për zgjedhjet e ardhshme parlamentare dhe presidenciale më 14 nëntor." Këtë e deklaroi në një brifing zëdhënësja e KQZ-së Rosica Mateva, transmetoi BGNES. Gjatë votimit jashtë vendit do të respektohen..

botuar më 21-10-21 3.19.MD
Hristo Aleksiev

Bullgaria mori kryesimin e TRACECA

Ministri i Transportit Hristo Aleksiev pranoi në emër të Bullgarisë mandatin e presidencës së nismës TRACECA për zhvillimin e korridorit ndërkombëtar të transportit Evropë - Kaukaz - Azi. “Prioritetet tona kryesore janë heqja e barrierave..

botuar më 21-10-21 2.02.MD

Era e fortë vonon shkarkimin e anijes “Vera Su”

Kushtet meteorologjike në rajonin e zonës së mbrojtur “Jajllata” janë përkeqësuar nga një erë e fortë jugperëndimore. Kjo vonon fillimin e transferimit të ngarkesës së rrezikshme nga anija e mbytur “Vera Su”. Ureja tashmë është lëngëzuar në..

botuar më 21-10-21 12.37.MD