Radioja Kombëtare Bullgare © 2021 Të gjitha të drejtat janë të rezervuara

Pllamen Nikollov është kandidati për kryeministër i ITN

Foto: BGNES

Presidenti Rumen Radev dorëzoi një mandat për të formuar një qeveri partisë më të madhe parlamentare “Ka një popull të tillë” - ITN. Kandidati për kryeministër i partisë është doktori i filozofisë së drejtësisë, politikës dhe ekonomisë Pllamen Nikollov - sipërmarrës dhe deputet në Legjislaturën e 46-të Kuvendit Popullor. Ai ishte gjithashtu deputet në Legjislaturën e 45 të Kuvendit Popullor.

Nikollov lindi në 1977. Ai studioi në Austri dhe SHBA. Ai ka mbi 15 vjet përvojë në zhvillimin e biznesit dhe menaxhimin e projekteve. Ai drejtoi zyrën e një kompanie amerikane për Evropën, Azinë dhe Afrikën. Ai ka punuar me kompani të mëdha si “Amazon”, “Intersport”, EMAG, komitete kombëtare olimpike dhe të tjerë.

Ai e di anglishten, gjermanishten dhe rusishten.

Nominimi i Pllamen Nikololv nuk dihej deri në momentin e fundit.

Pas ceremonisë së përurimit, kandidati i ITN Pllamen Nikollov shpalli prioritetet e tij dhe të partisë së tij: “Plani i rimëkëmbjes dhe qëndrueshmërisë; kriza e ardhshme Covid; pensionet - ne duam të rillogarisim gjithçka ashtu siç duhet; ne gjithashtu kemi angazhime ndaj votuesve tanë për sistemin zgjedhor, për votën mazhoritar dhe reformën gjyqësore.”

Partia ITN do të ketë shtatë ditë për të formuar një kabinet. Në rast se ata nuk marrin mbështetje nga partitë e tjera, mandati do t’i dorëzohet grupit të dytë më të madh parlamentar.

Me të mbërritur, përfaqësuesit e ITN u pritën përpara ndërtesës së Presidencës nga një protestë e Lëvizjes Popullore për Ndryshimin e Sistemit.


Më shumë nga rubrika

Prezantimi i veshjeve popullore me rastin e Ditës së Pavarësisë së Bullgarisë

Muzeu Etnografik në Burgas paraqet sot për banorët dhe mysafirët e qytetit veshje tradicionale me rastin e 22 Shtatorit - Ditës së Pavarësisë së Bullgarisë. Veprimtaria do të mbahet në adresën e përkohshme të Ekspozitës Etnografike, në rrugën..

botuar më 21-09-22 6.10.PD

Parashikimi i motit për 21 shtatorin

Ditën e mërkurë mbi të gjithë vendin do të jetë me re dhe me reshje shiu në shumë rajone. Me erë të matur nga veriperëndimi ftohja do të vazhdojë. Temperaturat minimale do të lëvizen nga 7 deri në 12 gradë, maksimalet – nga 16 deri në 21 gradë. Në..

botuar më 21-09-21 8.05.MD

Rezultatet reale në dialogun me Bullgarinë do të përshpejtojnë integrimin evropian të Maqedonisë Veriore

Arritja e përparimit në procesin e integrimit evropian të vendeve të Ballkanit Perëndimor ishte fokusi i një takimi në Sofje midis Presidentit bullgar Rumen Radev dhe Komisionerit Evropian të Fqinjësisë dhe Zgjerimit Olivér Várhelyi. Ministri..

botuar më 21-09-21 6.48.MD