Raundi i dytë i konsultimeve të Presidentit Rumen Radev u zhvillua para se të dorëzohet mandati i dytë për formimin e një qeverie.
Në një takim me përfaqësuesit e “Bullgarisë Demokratike”, presidenti tha se pasi dje forca e dytë e zgjedhjeve parlamentare të 11 korrikut - GERB-SDS, konfirmoi qëndrimin e saj të vendosur për të kthyer mandatin e dytë, mundësitë për të tretin po rriten.
“Bullgaria Demokratike” nuk do të mbështesë një qeveri me mandat të BSP, deklaroi pas takimit kryetari i grupit parlamentar Hristo Ivanov. Ai gjithashtu vuri në dukje se një mandat i tretë duhet të realizohet pa GERB dhe DPS.
Sipas Ivanov, një kabinet duhet të formohet për dimrin pa figura të dalluara politike, por me detyra të qarta - reforma në drejtësi dhe pastrim i vendit nga korrupsioni.
“Vendi ka nevojë për një kabinet të rregullt”, tha udhëheqësi i Lëvizjes për të Drejtat dhe Liritë (DPS) Mustafa Karadajë në takimin me presidentin. Sidoqoftë, ai ishte kategorik se partia nuk do të japë mbështetje të pakushtëzuar. Kushtet mbeten të njëjta - rivendosja e normalitetit në politikë dhe rivendosja e demokracisë, gjë që nuk mund të bëhet me instrumente jodemokratike dhe jokushtetuese. Karadajë u tha gazetarëve se një kabinet i rregullt është i nevojshëm sepse në qeverinë e përkohshme ka shumë lëshime dhe shkelje. Ai nuk iu përgjigj pyetjes nëse DPS do të mbështesë një kabinet ekspertësh, por tha se dëshiron të shohë se çfarë do të ndodhë si rezultat i dialogut, debateve dhe kompromiseve midis palëve.
Takimi i fundit gjatë konsultimeve ishte me “Ngrihu.BG! Ne po vijmë!”. Liderja e grupit parlamentar, Maja Manollova, tha se ata do të insistojnë për një qeveri pa pjesëmarrjen e anëtarëve partiak, përfshirë ministrat nga kabineti i përkohshëm. Grupi do të këmbëngulë në azhurnimin e buxhetit në sfondin e valës së re Covid, ndërprerjen e presionit në kufirin dhe formimin e një qeverie të qëndrueshme, megjithëse me një afat kohor deri në pranverë.
Pas konsultimeve të sotme, kreu i “Ka një popull të tillë” Sllavi Trifonov shkroi në Facebook se partia e tij “me 65 deputetët e saj është tashmë në opozitë. Dhe partitë e tjera me 175 deputetët e tyre tashmë janë në pushtet. Se si ata do të pajtohen me njëri-tjetrin është tashmë puna e tyre.” Trifonov u premtoi partive në pushtet se partia e tij të jetë opozita e tyre konstruktive.
Kuvendi Popullor ndaloi përdorimin, shitjen dhe ofrimin e produkteve të duhanit pa tym dhe me ngrohje për fëmijët dhe të rinjtë nën moshën 18 vjeç. “Beteja tjetër që duhet të realizojmë së bashku është kundër përdorimit të pijeve energjike mes..
"Po e vazhdojmë ndryshimin - Bullgaria Demokratike" (PP-DB) i bëri thirrje Këshillit të Lartë Gjyqësor që të mos rifillojë procedurën për zgjedhjen e kryeprokurorit të ri, pasi i ka skaduar mandati dhe ai nuk ka legjitimitet për të përcaktuar se kush..
Koalicionet e dy krahëve të Lëvizjes për të Drejta dhe Liri (DPS) duhet të dëshmojnë se partia DPS nuk është pjesë e përbërjes së tyre për të marrë pjesë në zgjedhjet e parakohshme parlamentare të 27 tetorit të këtij viti, vendosi Komisioni Qendror i..
Pomorie, Varna dhe Sofja përfaqësojnë vendin tonë në stendën bullgare gjatë ekspozitës ndërkombëtare turistike International French Travel..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave..
Manastiri Rozhen "Lindja e Hyjlindëses" kremton më 8 shtator festën e tempullit me një procesion liturgjik me ikonën çudibërëse të Nënës së Shenjtë,..