Raundi i dytë i konsultimeve të Presidentit Rumen Radev u zhvillua para se të dorëzohet mandati i dytë për formimin e një qeverie.
Në një takim me përfaqësuesit e “Bullgarisë Demokratike”, presidenti tha se pasi dje forca e dytë e zgjedhjeve parlamentare të 11 korrikut - GERB-SDS, konfirmoi qëndrimin e saj të vendosur për të kthyer mandatin e dytë, mundësitë për të tretin po rriten.
“Bullgaria Demokratike” nuk do të mbështesë një qeveri me mandat të BSP, deklaroi pas takimit kryetari i grupit parlamentar Hristo Ivanov. Ai gjithashtu vuri në dukje se një mandat i tretë duhet të realizohet pa GERB dhe DPS.
Sipas Ivanov, një kabinet duhet të formohet për dimrin pa figura të dalluara politike, por me detyra të qarta - reforma në drejtësi dhe pastrim i vendit nga korrupsioni.
“Vendi ka nevojë për një kabinet të rregullt”, tha udhëheqësi i Lëvizjes për të Drejtat dhe Liritë (DPS) Mustafa Karadajë në takimin me presidentin. Sidoqoftë, ai ishte kategorik se partia nuk do të japë mbështetje të pakushtëzuar. Kushtet mbeten të njëjta - rivendosja e normalitetit në politikë dhe rivendosja e demokracisë, gjë që nuk mund të bëhet me instrumente jodemokratike dhe jokushtetuese. Karadajë u tha gazetarëve se një kabinet i rregullt është i nevojshëm sepse në qeverinë e përkohshme ka shumë lëshime dhe shkelje. Ai nuk iu përgjigj pyetjes nëse DPS do të mbështesë një kabinet ekspertësh, por tha se dëshiron të shohë se çfarë do të ndodhë si rezultat i dialogut, debateve dhe kompromiseve midis palëve.
Takimi i fundit gjatë konsultimeve ishte me “Ngrihu.BG! Ne po vijmë!”. Liderja e grupit parlamentar, Maja Manollova, tha se ata do të insistojnë për një qeveri pa pjesëmarrjen e anëtarëve partiak, përfshirë ministrat nga kabineti i përkohshëm. Grupi do të këmbëngulë në azhurnimin e buxhetit në sfondin e valës së re Covid, ndërprerjen e presionit në kufirin dhe formimin e një qeverie të qëndrueshme, megjithëse me një afat kohor deri në pranverë.
Pas konsultimeve të sotme, kreu i “Ka një popull të tillë” Sllavi Trifonov shkroi në Facebook se partia e tij “me 65 deputetët e saj është tashmë në opozitë. Dhe partitë e tjera me 175 deputetët e tyre tashmë janë në pushtet. Se si ata do të pajtohen me njëri-tjetrin është tashmë puna e tyre.” Trifonov u premtoi partive në pushtet se partia e tij të jetë opozita e tyre konstruktive.
Universiteti i Ekonomisë Kombëtare dhe Botërore (UNSS) në Sofje është ndër katër shkollat e larta bullgare dhe e vetmja ekonomike në renditjen prestigjioze të universiteteve evropiane QS World University Rankings, njoftoi qendra e shtypit e..
Shtrirja e zjarrit përgjatë kufirit bullgaro-grek është rritur gjatë natës. Zjarri kapërceu pastrimin mbrojtës në 2 vende në territorin bullgar, por u vu nën kontroll, njoftuan autoritetet. Të gjitha ekipet janë mobilizuar dhe po dërgojnë njerëzit..
Të martën do të jetë me diell dhe e ngrohtë në pjesën perëndimore. Në gjysmën lindore të vendit do të mbajë mot i vranët dhe sidomos gjatë natës dhe deri në mesditë do të ketë reshje të shkurtra, vende-vende të dendura shiu me bubullima. Ka kushte..
Gjatë natës do të jetë e kthjellët, në pjesën më të madhe të vendit - pothuajse e qetë. Të premten do të jetë me diell. Pas mesditës do të..
Kreu i shtetit Rumen Radev ka uruar presidenten dhe qytetarët e RSM-së me rastin e festës kombëtare Ilinden - Dita e Republikës. “Vetëflijimi i..
Lideri i GERB-SDS-së, Bojko Borisov, konfirmoi se koalicioni do të negociojë me partinë "Ka një popull të tillë" (ITN), e cila mori mandatin e tretë..