Programi i ditës

Radioja Kombëtare Bullgare © 2022 Të gjitha të drejtat janë të rezervuara

Vazhdojnë hetimet për aksidentin me autobusin maqedonas në Bullgari

| rinovuar më 21-11-26 1.48.MD
Foto: BGNES

Një trup tjetër është gjetur gjatë kontrollit shtesë të autobusit me qytetarë të Republikës së Maqedonisë së Veriut, i cili u rrëzua në autostradën “Struma”. Kështu, numri i viktimave në aksidentin e rëndë rrugor u bë 45, siç ishte paralajmëruar fillimisht. Lajmin e ka konfirmuar për BNR zëvendëskryeprokurori dhe shefi i Shërbimit Hetimor Kombëtar Borisllav Sarafov. “Në orën 21:15 të natës tragjike përmes “Kapitan Andreevo” kanë hyrë 52 pasagjerë, 45 prej tyre i kemi gjetur në autobus, 7 janë në spitalin “Pirogov”, për fat të keq nuk ka akoma një të shpëtuar”, sqaroi Sarafov.

Një prokuror dhe një hetues u nisën për në Shkup për të marrë profilet e ADN-së me të cilat do të identifikojnë viktimat e incidentit me autobusin e djegur në autostradën Struma në Bullgari. Pas kontrolleve u gjetën eshtrat e 44 personave. Listat me emrat e pasagjerëve në 3 autobusët e tjerë në itinerar janë për t'u krahasuar.

Sipas Televizionit Kombëtar Bullgar /BNT/, është konstatuar se shtetasi bullgar Shadi Saleh është futur gabimisht në mesin e emrave të pacientëve në spitalin Pirogov në kryeqytet gjatë pranimit të të mbijetuarve të aksidentit. Në të njëjtën kohë, ai është shtruar për mjekim me një krah të thyer.

Sipas televizionit bTV, është konstatuar edhe emri i një pasagjeri tjetër, Enes. Ai është në listën e pasagjerëve të firmës Besa Trans. Enes ka bërë një rezervim për udhëtimin deri në Turqi, por në momentin e fundit në Stamboll ka vendosur të mos hipë në autobusin fatal dhe është kthyer më vonë me transportin e një firme tjetër.


Më shumë nga rubrika

Rumen Radev dhe Ilijana Jotova

Rumen Radev dhe Ilijana Jotova u betuan në Kuvendin Popullor për mandatin e dytë si President dhe Nënpresident

Presidenti Rumen Radev dhe Nënpresidentja Ilijana Jotova u betuan në Kuvendin Popullor se gjatë mandatit të dytë do t’i përmbahen Kushtetutës dhe ligjeve të vendit dhe në të gjitha veprimet e tyre do të udhëhiqen nga interesat e popullit. “..

botuar më 22-01-19 11.11.PD

10 herë më shumë teste pozitive për Covid në shkollat

Në muajin e fundit, numri i testeve pozitive për koronavirus në shkollat është i rritur gati dhjetëfish, tha Ministri i Arsimit Nikollaj Denkov për Nova TV. Aktualisht, 3.6 për qind e mësuesve janë në karantinë, ndërsa përqindja e nxënësve është 2.6...

botuar më 22-01-19 10.38.PD

Për herë të parë mbi 11 mijë të sapo infektuar me koronavirus

Për herë të dytë këtë javë në Bullgari u regjistrua një numër rekord i të infektuarve të rinj me koronavirus – 11 181. Kjo është me 1185 të infektuar më shumë se një ditë më parë. Këtë e tregojnë të dhënat e Portalit të Unifikuar të Informacionit...

botuar më 22-01-19 8.53.PD
Подкасти от БНР