Nga ekspertiza e gjendjes së rrugës para se të ndodhë aksidenti i rëndë me autobusin maqedonas në autostradën Struma të Bullgarisë, e kryer nga një auditim ndërkombëtar, u konstatua se parmakët e sigurisë nuk janë vendosur në përputhje me kërkesat. Gjithashtu, në zonën e aksidentit kanë ndodhur një sërë aksidentesh, të cilat kanë dëmtuar pajisjet e sigurisë. Kjo ka çuar në riinstalimin e tyre në brezin ndarës të mesëm, por instalimi është kryer gabimisht. Kjo e ka shkaktuar këputjen e parmakut, i projektuar për të mbajtur automjete deri në dy tonë, pavarësisht shpejtësisë së ulët me të cilën është lëvizur autobusi. Nga këqyrja gjithashtu është konstatuar se mungojnë tabela dhe ka shenja të dëmtuara. Auditimi ndërkombëtar është porositur nga Instituti për Sigurinë Rrugore.