Programi i ditës
Radioja Kombëtare Bullgare © 2022 Të gjitha të drejtat janë të rezervuara

Gjashtë lagje të kryeqytetit në fokusin e serisë “5 minuta Sofja”

Foto: „5 минути София“

Seria e filmave të shkurtër dokumentarë, kushtuar historisë  së kryeqytetit, filloi sezonin e vet të nëntë. Në vazhdim të 6 javëve, prodhimi filmik i Kamen Vodeniçerovit  “5 minuta Sofja” i njeh spektatorët me historinë e disave prej lagjeve relativisht “të reja” të qytetit - “Bojana”, “Zaharna fabrika”/fabrika e sheqerit/, “Krasno sello”, “Mlladost”, “Studentski grad” dhe “Juçbunar”

“Detyra jonë në sezonin e ri ishte që të dokumentojmë atë që po ndodh në qytetin tonë dhe ndryshimet e sjella nga dekada e fundit, gjatë së cilës u bëmë dëshmitarë të një rritje të ndjeshme të popullsisë së tij - tregon në një intervistë për programin “Hristo Botev” të Radios Kombëtare Bullgare Vodenioçarov dhe shton: Nëse dikur kemi dashur që vargu i serisë të duket më tepër si një kartolinë postare, sot, synimi ynë është të prezantojmë jetën e gjallë”.

Kamen Vodeniçerov

Sipas fjalëve të tij, çdo një prej nesh ka vizionin, kuptimin dhe perceptimin e vet për qytetin dhe lagjen në të cilën jeton, pa e kuptuar patjetër se për mirë ose për keq, ai është zhvilluar dhe ka ndryshuar. Gjatë 10 vjetëve të fundit popullsia e kryeqytetit është shtuar me më shumë se 14%. Dhe nëse bëni pyetjen se në sa lagje jetojnë afro milionë e gjysmë banues, përgjigja mund t’ju befasojë - qyteti ynë shtrihet në 96 lagje.

Pavarësisht se është e njohur me formën e vet të shkurtër dhe të sintetizuar, në të cilën prezanton informacione kurioze për qytetin, çdo një sezon i ri i vargut me seri, befason me diçka të re në mënyrën e xhirimit. Kësaj here, përveç zërit të aktorit Kamen Vodeniçarov pas kuadrit, shikuesit do të dallojnë disa personazhe publike, të cilët tregojnë historitë e vendeve të tyre të preferuara në lagja përkatëse. Episodi i parë na shpie në fshatin e dikurshëm, i cili ka përqendruar në ditët tona disa nga pronat më të shtrenjta në treg - Bojana.

Ky rajon i kryeqytetit shpesh lidhet me banuesit e vet të rëndësishëm - presidenti dhe zëvendës presidenti, kryetari i Kuvendit Popullor dhe kryeministri. Sipas ligjit ata e kanë të drejtën të përdorin Rezidencën Shtetërore Bojana, të ndërtuar në këtë lagje e cila në vitin 1961 u shpall lagje e Sofjes. Por, vëmendjen tonë në episod e tërheq një objekt tjetër shumë i lashtë dhe i paçmueshëm, një pjesë nga trashëgimia kulturore dhe historike e Bullgarisë dhe i përfshirë në Listën e Trashëgimisë Kulturore Botërore të UNESKO-s - Kisha e Bojanës “Shën Nikolla dhe Pantalejmon”

Si në tetë sezonet e mëparshme, episodet nga serisë së filmave të shkurtër për Sofjen, janë të lidhura midis tyre me një fije të padukshme, por mjaft të fortë.

“Historia e lagjeve zbulohet pikërisht në tregimet e banuesve të tyre. Pikërisht njerëzit janë ata, të cilët formojnë pamjen e qytetit, kurse lagjet ruajnë jetën e gjallë. Ne rritemi në këto lagje, kthehemi në personalitete, pikërisht duke lenë vulën tonë në historinë e komplekseve, në të cilat jetojmë - sqaron skenaristi i “5 minuta Sofja” Tanja Dimova dhe tregon lagje, të cilat kanë pësuar ndryshime të rëndësishme që nga krijimi i tyre e deri më sot:

Tanja Dimova

Një shembull për një transformim interesant është lagja “Juçbunar”, e cila megjithëse e krijuar si hebre, tani është më shumë arabe. Lagje të tilla si “Mlladost” dhe ”Krasno Sëllo” ruajnë idenë se Sofja duhet të jetë më e hapur për faktin se në kontakt me natyrën, njeriu bëhet më i mirë dhe më i gjallë”.

Përgatiti në shqip: Nataniela Vasileva

Foto: “5 minuta Sofja”, Facebook /Kamen Vodeniçerov, Tanja Dimova


Më shumë nga rubrika

Geori Gospodinov

Shkrimtari Georgi Gospodinov u nominua për çmimin Nobel

Shkrimtari bullgar Georgi Gospodinov u nominuar për Çmimin Nobel në Letërsi. Propozimi u nënshkrua nga kryetarja e PEN Klubit Bullgar Zdravka Evtimova me miratimin e të 51 anëtarëve të degës bullgare të organizatës ndërkombëtare. Kandidimi i..

botuar më 22-05-25 8.17.MD

Dorëzuan Çmimet Askeer për arritje në fushën e teatrit

Në Teatrin e Ushtrisë Bullgare u dhanë për herë të 31-të Çmimet e Askeer për arritje në lëmin e teatrit. Ceremonia kushtuar 300 vjetorit të lindjes së rilindësit të shquar bullgar Paisij Hilendarski u mbajt nën moton "Mësimi në gjuhën bullgare"...

botuar më 22-05-25 11.31.PD

Linguistët e gjuhës bullgare i prezantojnë botës fytyrën e vendit tonë

Njohja me një gjuhë, histori dhe kulturë të panjohur krijon afërsi – pavarësisht nëse ajo është e bazuar në interesin shkencor, në kuriozitetin e thjeshtë apo në një takim të rastësishëm. Dhe kur ky kontakt me trashëgiminë shpirtërore të huaj..

botuar më 22-05-24 12.45.MD