Nëse rrethanat e kërkojnë, Bullgaria do të duhet të punojë seriozisht me aleatët e saj të NATO-së, tha Ministri i Mbrojtjes Dragomir Zakov pas takimit të jashtëzakonshëm të NATO-së. “Nuk ka asnjë mënyrë që të plotësojmë deficitet pa punuar me aleatët tanë të NATO-së në territorin tonë”, theksoi ai. Dragomir Zakov e cilësoi si “kritike” situatën në Forcën tonë Ajrore dhe shtoi se në një plan afatgjatë Bullgaria do të duhet të kthehet nga një konsumator në një ofrues sigurie.

Ministri nuk përjashtoi mundësinë që vendi ynë të kërkojë rritje të pranisë së Aleancës në rast thellimi të konfliktit në Ukrainë. “Nëse kriza zhvillohet dhe kërcënon drejtpërdrejt Bullgarinë, parashikohen masa për një prani serioze në territorin tonë”, tha ai. Sipas tij, aktualisht jemi duke u mbështetur në një grup luftarak me element shumëkombësh, të udhëhequr nga vendi ynë dhe nën kontrollin e Komandantit të Përgjithshëm të forcave të NATO-s në Evropë. Kërkesat për t’u bashkuar me grupin luftarak nga një numër vendesh do të shpallen së shpejti, tha ministri.