Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Protestat në Sofje në mbështetje dhe kundër qeverisë

Edhe bullgarët jashtë vendit po përgatiten për protesta

Foto: BGNES

Një javë e nxehtë politike fillon në Bullgari. Të martën, më 21 qershor, nisin debatet parlamentare për votën e mosbesimit ndaj qeverisë së Kirill Petkovit, të paraqitur nga partia opozitare GERB. Një ditë më vonë, më 22 qershor, do të zhvillohet vetë votimi. Sipas shumë analistëve, rezultati i votimit është i qartë, pasi javën e kaluar shumica e re parlamentare dhe partia “Ka një popull të tillë” (ITN), e cila u shkëput nga koalicioni në pushtet, votuan largimin nga detyra të kryetarit të Kuvendit Popullor Nikolla Minçev.

Aksionet pro-qeveritare në qendër të Sofjes do të nisin më 20 qershor në orën 18:00 me "Marshimi për Bullgarinë Evropiane - në mbrojtje të parlamentarizmit dhe demokracisë", organizuar nga “luftëtarët” për reforma në drejtësi nga nisma "Drejtësia për të gjithë". Aksioni do të shkrihet me protestën civile para parlamentit në orën 18:30 në mbështetje të qeverisë.

Demonstratat pro-qeveritare pritet të vazhdojnë edhe më 21 qershor gjatë debatit parlamentar.

Në të njëjtën ditë, para Parlamentit u organizua një miting i partisë opozitare “Vëzrazhdane”, ku u kërkua dorëheqjen e kabinetit dhe zhvillimi i zgjedhjeve të parakohshme parlamentare.

MPB paralajmëroi se e respektojnë të drejtën e qytetarëve për t'u shprehur lirisht, por do t'i përmbushin pa kompromis detyrimet e policisë sipas ligjit për mbrojtjen e rendit publik. Do të ketë inspektime në të gjithë vendin për shkak të sinjaleve operative dhe thirrjeve në rrjetet sociale për përshkallëzimin e protestave, thuhet në deklaratë.

Edhe bullgarët jashtë vendit po mobilizohen për protesta

“Vendi ynë sot është në krizë – politike, ekonomike, madje edhe në krizë identiteti. Jemi dëshmitarë të një betejë kundër mafisë, e cila është shkrirë me vendin tonë. Do të zgjedhim demokracinë apo autoritarizmin, lirinë apo nënshtrimin, guximin apo frikën”. Kjo thuhet në ftesën me të cilën bullgarët në Austri organizojnë protestë nga ora 18:00 e datës 20 qershor para Ambasadës bullgare në Vjenë. Qëllimi është të shprehet mbështetja për qeverinë e Kirill Petkovit në luftën kundër mafies, shkruan blogu i bullgarëve atje Melange Bulgarien.

Nisma vjen nga “Protestat Austri 2020”, të cilat ishin në thelbin e fushatave masive kundër mafies dhe qeverisë së Bojko Borisovit në verën e vitit 2020. Tani ata deklarojnë: “Nuk duam zgjedhje të reja! Ne nuk duam GERB dhe DPS në pushtet!”

Përpiloi: Ivo Ivanov, Elena Karkallanova

Përgatiti në shqip: Vesella Mançeva

Foto:  “Protestat Austri 2020”, BGNES





Последвайте ни и в Google News Showcase, за да научите най-важното от деня!

Më shumë nga rubrika

Prof. Ljubomir Gavrillov: Në raundin e parë, francezët votojnë me zemër, dhe në të dytin - me mendjen e tyre

Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një goditje të papritur të djathtës në Francë. “ Në vend të parë është i ashtuquajturi “Fronti i..

botuar më 24-07-10 2.40.MD

Shkolla bullgare e së dielës në Edrene ka nevojë për më shumë klasa

Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i bashkatdhetarëve tanë. Dy vjet më vonë, me iniciativën e Konsullatës së Përgjithshme të Bullgarisë, ajo u..

botuar më 24-07-10 7.30.PD
Shkolla Verore e Gjuhës Bullgare në Tiranë

U mbyll me sukses java e parë e Shkollës Verore të Gjuhës Bullgare në Tiranë

Java e parë e Shkollës Verore të Gjuhës dhe Kulturës Bullgare në Fakultetin e Gjuhëve të Huaja në Universitetin e Tiranës u mbyll me sukses. Ajo ishte mjaft e pasur në përmbjatje.  Filloi Shkolla Verore e Gjuhës Bullgare në Tiranë Gjatë..

botuar më 24-07-09 2.05.MD