Programi i ditës
Radioja Kombëtare Bullgare © 2022 Të gjitha të drejtat janë të rezervuara

Ambasadorja ruse Eleonora Mitrofanova vendosi ultimatum që të anulohet dëbimi i 70 diplomatëve rusë

Ambasadorja ruse Eleonora Mitrofanova
Foto: BGNES

Ambasadorja ruse në Bullgari Eleonora Mitrofanova i ka dorëzuar një notë verbale Ministrisë sonë të Punëve të Jashtme, në të cilën kërkon që deri në orën 12:00 të datës 1 korrik, të tërhiqen notat për nëpunësit e përfaqësive diplomatike ruse që u shpallën persona “non grata”. Në rast të kundërt, “çështja e mbylljes së Ambasadës së Federatës Ruse në Republikën e Bullgarisë do të ngrihet menjëherë para udhëheqjes ruse”.

Në përgjigje, kryeministri i dorëhequr Kirill Petkov këshilloi Federatën Ruse të tërheqë notën. “Edhe pse prezenca bullgare në Ambasadën tonë në Rusi numëron vetëm 12 persona, Ambasada Ruse në Bullgari do të ketë mundësinë të mbajë 43 punonjës të saj sipas vendimit të marrë dje nga qeveria bullgare”, tha ai. Kirill Petkov shprehu gjithashtu bindjen se marrëdhëniet bullgaro-ruse mund të vazhdojnë të zhvillohen në fusha me interes të përbashkët, duke respektuar vlerat e rëndësishme për secilin nga vendet tona.

Ndërkohë, Ambasadorja Eleonora Mitrofanova tha për BNT se Moska po shqyrton ndërprerjen e marrëdhënieve diplomatike me Bullgarinë për shkak të skandalit me 70 diplomatët rusë të dëbuar. Sipas saj, Rusia i cilëson veprimet e qeverisë bullgare si të paprecedentë.

Më shumë nga rubrika

Zbuluan një serë për kanabis në qendër të Sofjes

Antimafia në Sofje zbuloi një serë të teknologjisë së lartë për rritjen e bimëve të kanabisit, raportoi BTA. Një sistem hidroponik për rritjen e 120 bimëve është ndërtuar në katin e parë të një shtëpie në qendër të kryeqytetit.Dhoma ishte e..

botuar më 22-09-28 4.47.MD

Askush nuk ka shfaqur interes për blerjen e “Vera Su”, anija po del sërish në ankand

Anija “Vera Su”, e cila rreth një vit më parë u rrëzua në zonën e “Jajllata”, del sërish në ankand me çmim më të ulët, pasi sot nuk u shfaq asnjë ofertues për ta blerë. Kështu ka thënë kapiteni Valentin Ençev, drejtor i “Administratës Detare” në..

botuar më 22-09-28 3.24.MD

Partitë do të kenë akses në informacionin nga makineritë e votimit

Përfaqësuesit e partive politike në zgjedhje do të kenë akses në kodin burimor të softuerit për makinat e votimit. Këtë e bëri të ditur Ministria e Qeverisjes Elektronike. Megjithëqë shumë parti politike shprehën dyshim në votimin elektronik, kjo..

botuar më 22-09-28 2.57.MD