BE shpreh keqardhje për kërcënimin e pajustifikuar të Rusisë për t’u dhënë fund marrëdhënieve diplomatike me Bullgarinë në përgjigje të vendimit të saj për të dëbuar 70 veta nga personeli i Ambasadës ruse në Sofje. Në deklaratën e Shërbimit Evropian për Veprim të Jashtëm, theksohet se vendimi bullgar është tërësisht në frymën e së drejtës ndërkombëtare kundër shkelësve të Konventës së Vjenës për Marrëdhëniet Diplomatike.

Vendimi i Bullgarisë është i pavarur dhe duhet respektuar, tha zëdhënësja e NATO-s Oana Lungescu. Aleatët në pakt dënojnë me forcë sjelljen e vazhdueshme ruse të shtrëngimit, ndërhyrjen në proceset tona demokratike dhe cenimin e sigurisë së qytetarëve tanë, shtoi ajo. Ne simpatizojmë aleatin tonë Bullgarinë, shtoi zëdhënësi i NATO-s.