Të paktën 23 persona, përfshirë katër fëmijë, vdiqën pas sulmit me raketa ruse në Vinica në Ukrainën qendrore dhe më shumë se 100 u plagosën rëndë, bëri të ditur Associated Press. Sipas autoriteteve në Kiev, granatimet ishin shënjestruar sepse qyteti është larg vijës së frontit. “Raketat ruse goditën Vinica - një qytet i zakonshëm paqësor. Ky është një akt i terrorit”, tha Presidenti Vollodimir Zelenski në një fjalim para pjesëmarrësve të një konference në Hagë mbi krimet e luftës të Rusisë dhe bëri thirrje për krijimin e një gjykate ndërkombëtare.
45 vende nënshkruan në Hagë - selinë e Gjykatës Ndërkombëtare Penale - një deklaratë politike për hetimin e përbashkët të krimeve të luftës në Ukrainë, njoftoi Reuters. Ata gjithashtu premtuan se do të ndajnë 20 milionë euro për të mbështetur punën e gjykatës, zyrës së kryeprokurorit në Ukrainë dhe Kombeve të Bashkuara.
Autoritetet e emëruara nga Moska në rajonin Zaporozhie, i cili është pjesërisht i pushtuar nga ushtria ruse, njoftuan se do të mbajnë një referendum për bashkimin me Rusinë në shtator, raportoi AFP. Autoritetet pushtuese në rajonin fqinj Herson po planifikojnë gjithashtu një referendum për bashkimin me Rusinë më vonë gjatë vitit, njoftoi Reuters.
Komisioni Evropian pritet t’u bëjë thirrje vendeve anëtare të BE-së që të vendosin masa për kursimin e energjisë për shkak të krizës së shkaktuar nga lufta në Ukrainë, informon France Press. Ndërkohë, drejtori i Shell, Ben van Buurden paralajmëroi se një ndalim i plotë i eksporteve të gazit rus në Evropë nuk përjashtohet, njoftoi Financial Times. “Ne do të përballemi me një dimër vërtet të ashpër në Evropë”, tha ai në një konferencë energjetike në Oksford.
Një grup i organizuar ndërkombëtar i përbërë nga shtetas sirianë, jordanezë, bullgarë dhe moldavianë është neutralizuar, njoftoi Ministria e Brendshme. Operacioni i specializuar policor për neutralizimin e një kanali kontrabande për migrantë përmes..
Një tërmet i dobët është regjistruar në Sofje një minutë para orës 16:00, i cili ka qenë me magnitudë 2.7 të shkallës Rihter dhe është ndjerë në katet e larta të disa lagjeve të kryeqytetit - "Druzhba", "Mlladost", "Studentski Grad" dhe "Malinova..
Në Prokurorinë e qytetit të Sofjes tashmë është dorëzuar kallëzimi i djeshëm nga kandidatja për kryeministre të përkohshme, Gorica Grënçarova-Kozhareva, për presionin që i është bërë gjatë punës së saj mbi projektin për qeverinë e përkohshme. Një..
20.8% e bullgarëve duan të jetojnë gjatë udhëheqjes së një qeverie autoritare, 10% të tjerë janë përkrahës të komunizmit, sipas studimit të fundit të..
Qyteti i Kazanllëkut, i vendosur në Luginën Bullgare të Trëndafilave, është zgjedhur për të pritur në vitin 2025 Konkursin Ndërkombëtar të Lutierëve..