Tatimpaguesit dhe shteti u dëmtuan nga ish qeveria e Kirill Petkovit me 200 milionë euro për shkak të kompanive ndërmjetëse përmes të cilave blihet gazi rus. Këtë e deklaroi ish Ministri i Energjisë nga qeveria e GERB-it, Deljan Dobrev në Varna. “I gjithë gazi që blemë, duke përjashtuar gazin azerbajxhanas, është rus, vetëm me ndërmjetës dhe me 30 për qind rritje”, tha ai dhe tregoi faturat që vërtetonin transaksionet. Për tre muajt që ndërmjetësuesit hyrën në tregun e Bullgarisë, gaz u ble për 630 milionë euro, dhe një diferencë prej 30 për qind për ndërmjetësit është 200 milionë euro, llogariti Dobrev. Sipas tij, edhe nëse dy cisternat e gazit të lëngshëm të shpallura nga qeveria e Kirill Petkovit erdhën nga SHBA, ato u shitën në Turqi. “Asnjë molekulë e vetme e gazit amerikan nuk erdhi në Bullgari”, tha Dobrev para Daniella Stojnova nga BNR Varna.