Programi i ditës
Radioja Kombëtare Bullgare © 2022 Të gjitha të drejtat janë të rezervuara

NATO-ja po forcon praninë e saj ushtarake në Evropën Lindore

Foto: Rojters

Rreth 2 400 ushtarë amerikanë nga Divizioni 101 Ajror i SHBA do të vendosen në Rumani, Bullgari, Hungari dhe Sllovaki për të mbrojtur kufirin lindor të NATO-s, njoftoi BTA duke cituar një deklaratë nga misioni i SHBA në Aleancën e Atlantikut të Veriut.

Ndërkohë, Ukraina ka paralajmëruar për një rrezik në rritje të një aksidenti bërthamor në termocentralin bërthamor të Zaporozhies. Në një deklaratë të përbashkët, të gjitha vendet e BE-së, si dhe Shtetet e Bashkuara, Britania e Madhe, Norvegjia, Australia, Japonia, Zelanda e Re dhe vende të tjera insistuan në tërheqjen e trupave ruse nga selia. Në deklaratë shënohet se kjo do të lejonte Agjencinë Ndërkombëtare të Energjisë Atomike të kryente inspektimin e saj "në kohën e duhur dhe të sigurt". Sipas zëdhënëses së Ministrisë së Jashtme ruse, Maria Zaharova, Perëndimi po bën çmos për të mbajtur jashtë ekspertët ndërkombëtarë, ndërkohë që Moska bën përpjekjet e nevojshme për mbërritjen e tyre.

Sipas Shtabit të Përgjithshëm të Ukrainës, ushtria ka zmbrapsur me sukses ofensivën në pesë drejtime, dhe trupat ruse po vazhdojnë të bombardojnë zonat e populluara me tanke dhe artileri.

Sipas informacionit të agjencisë TASS, forcat ukrainase kanë granatuar një zonë të banuar të Energodar. Pala ruse deklaroi gjithashtu se ushtria ukrainase kagoditur objektivat civile në Doneck dhe Makeevka.

Në të njëjtën kohë, anija e parë e marrë me qira nga OKB-ja u nis nga porti ukrainas i Pivdenij me 23 mijë tonë grurë për në Etiopi. Deri më tani, pas përfundimit të marrëveshjes së ndërmjetësuar nga OKB-ja dhe Turqia, gjithsej 16 anije me grurë janë larguar tashmë nga Ukraina. Mes tyre është edhe anija bullgare e mallrave “Rozhen”.


Më shumë nga rubrika

Vjosa Osmani-Sadriu

Presidenti i Kosovës po vjen për një vizitë zyrtare në Bullgari

Me ftesë të kreut të shtetitbullgar, Rumen Radev, Presidentja e Republikës së Kosovës, znj. Vjosa Osmani-Sadriu, mbërrin për një vizitë zyrtare në Bullgari. Të dy presidentët do të diskutojnë tema nga agjenda bilaterale dhe rajonale, si dhe..

botuar më 22-11-30 6.05.PD

Parashikimi i motit për 30 nëntorin

Të mërkurën moti do të jetë me vranësira. Reshje të dobëta shiu do të bien kryesisht në Bullgarinë Jugore, ndërsa borë e dobët në rajonin paraballkanik. Temperaturat minimale do të lëvizin nga 0 deri në 5°, ndërsa ato maksimale nga 3 deri në 8°...

botuar më 22-11-29 8.25.MD
Gëllëb Donev

Gëllëb Donev: Qeveria nuk ka shprehur qëndrimin se Bullgaria është “në prag lufte”

Këshilli i Ministrave nuk ka shprehur qëndrim se vendi ynë është “në prag lufte”. Këtë e deklaroi kryeministri në detyrë Gëllëb Donev gjatë kontrollit parlamentar në përgjigje të një pyetjeje të drejtuar nga kryetarja e BSP-së, Kornelija Ninova,..

botuar më 22-11-29 7.37.MD