Programi i ditës
Radioja Kombëtare Bullgare © 2022 Të gjitha të drejtat janë të rezervuara

Atanas Çikov nga Britania e Madhe: Pse nuk votoj në këto zgjedhje?

Foto: arkiv

Ai jeton prej 20 vitesh në Britaninë e Madhe dhe pranon se ka kohë që nuk ka votuar. Por jo sepse nuk i intereson fati i atdheut, por sepse nuk sheh kuptim në zgjedhje. Atanas Çikov, këshilltar për imigracionin dhe iniciator i platformës BG Help, është ndër bullgarët më aktivë në ishull. Por edhe një nga bashkatdhetarët tanë të shumtë që prej kohësh e kanë humbur besimin se vota e tyre ka ndonjë vlerë: “Po të mos votosh për partitë e mëdha, por për një më të vogël që nuk është popullore, çështja është thjesht se do të humbësh kohën tënde dhe vota jote do të transferohet në parti të tjera”, tha Atanas Çikov për Radio Bullgarinë. Sipas tij, sistemi politik në Bullgari nuk po funksionon siç duhet. Një nga arsyet është se përfaqësuesit tanë të zgjedhur në parlament nuk janë përgjegjës kombëtar dhe është e dukshme se secili mbron interesat e tij partiake dhe personale, konsideron Çikov. Në këtë situatë, si do të krijohet një koalicion për të qeverisur Bullgarinë dhe pse bullgari mendon se nuk ka kuptim të votohet?

“Edhe nëse formohet, nuk do të zgjasë shumë – thotë Çikov. - Vetëm se do të mbizotërojnë sërish interesat partiake të politikanëve. Njerëzit janë të dëshpëruar, prandaj nuk do të votojnë. Kjo qeveri do të përfaqësojë një përqindje të vogël të popullit sepse votuesit do të jenë të paktë. Dhe sërish do të ketë pakënaqësi në rrjetet sociale, do të ketë sërish protesta. Duket se nuk ka kush t’i përgjigjet kërkesave të popullit. Shumë njerëz në vendin tonë humbën shpresat, si unë 20 vjet më parë, dhe vendosa që mënyra për të rregulluar gjërat, për mua dhe familjen time, ishte të shkojmë jashtë vendit. Dhe kështu ndodhi!”

Si konsulent emigracioni në Britaninë e Madhe, Atanas Çikov mban kontakte të përditshme me bashkatdhetarët tanë në Ishull. Ai pohon se arsyeja që shumica e tyre largohen nga vendlindja është zhgënjimi nga jeta në vendin tonë. Por ka edhe bullgarë në Britaninë e Madhe që ëndërrojnë të kthehen në atdheun e tyre dhe deklarojnë se do të votojnë:

“Ata duan të vijnë në Britaninë e Madhe, të fitojnë ca para dhe më pas të kthehen në vendin e tyre, të blejnë një shtëpi, të bëjnë biznes etj.- pohon Çikov. – Kjo është arsyeja pse disa nga njerëzit që kanë plane specifike për Bullgarinë duan të shkojnë në kutitë e votimit dhe të japin votën e tyre, duke shpresuar se do ta ndihmojnë vendin të rimëkëmbet më shpejt. Disa ende besojnë, megjithëse pyesin se për kë të votojnë.”

Megjithatë, Atanas Çikov ka kohë që nuk beson, si dhjetëra mijëra përfaqësues të mazhorancës së heshtur në vendin tonë dhe më gjerë, as në sistemin politik, as në partitë dhe liderët e tyre. Prandaj, ai mendon se dalja në zgjedhje është krejtësisht e kotë. Por ka edhe një gjë tjetër:

“Problemi me votimin në Britaninë e Madhe dhe jashtë saj është se me të vërtetë po e humbasni kohën tuaj. Duhet të udhëtosh me orë të tëra, të qëndrosh në radhë të gjata... Dhe kështu një ditë e tërë pushimi shkon dëm! Fatkeqësisht, nuk është e mundur të votohet nga distanca nëpërmjet internetit ose me postë. Këtu në zgjedhjet angleze ne votojmë me postë. Plotësojmë dhe dorëzojmë fletën e votimit nga distanca dhe mos humbasim kohë. Por personalisht unë nuk jam i sigurt se edhe në këto kushte do të votoja në zgjedhjet bullgare, thjesht sepse nuk ka kuptim” - përfundon Atanas Çikov.

Përgatiti në shqip: Svetllana Dimitrova

Foto: arkiv, BGNES



Më shumë nga rubrika

15 medalje për bullgarët nga turneu ndërkombëtar i informatikës në Shumen

Garuesit bullgarë fituan 15 medalje në Turneun Vjeshtor të 14-të Ndërkombëtar të Informatikës "Xhon Atanasov" në Shumen, i cili u mbajt nën patronazhin e presidentit Rumen Radev dhe me mbështetjen mediatike të BTA. Në edicionin e sivjetshëm të..

botuar më 22-11-28 5.59.MD

Një film bullgar për dhunën shtëpiake u dallua në Bolivi

Filmi bullgar “Frymëmarrje të kontrolluara” fitoi çmimin e parë në Festivalin Ndërkombëtar të Filmit për Kinemanë Dokumentare në Bolivi, Black Cat Award International Film Festival  . Forumi i kushtohet humanizmit dhe të gjitha të ardhurat nga..

botuar më 22-11-28 11.26.PD

Mesazhe për Bullgarinë me 111 fjalë do të vendosen në një kapsulë kohore në Rodope

Fushata bamirëse kombëtare “Bullgaria e meriton!” mbledh mesazhe nga të rinjtë bullgarë për të ardhmen. Nisma “111 fjalë të frymëzuara nga Bullgaria” u drejtohet të gjithë nxënësve, të rinjve dhe studentëve brenda dhe jashtë vendit. Në Ditën e..

botuar më 22-11-27 12.05.MD