Negociatat aktuale për anëtarësimin evropian të Maqedonisë së Veriut do të fillojnë vetëm kur ajo të përfshijë bullgarët në kushtetutën e saj, tha Presidenti Rumen Radev në Sofje. Ai theksoi se zbatimi i shpejtë i angazhimeve dypalëshe nga shteti fqinj është garanci për integrimin e përshpejtuar evropian të tij.
“Duhet të zgjidhim të gjitha çështjet që janë shtyrë për shumë vite. Bisedimet për historinë tonë të përbashkët janë të pashmangshme dhe pres që burrështetasit në vendin tonë mik të tregojnë mençuri politike dhe të ndërtojnë të ardhmen evropiane të Maqedonisë së Veriut, të çliruar nga ideologjitë të së shkuarës.”
Bullgaria është e gatshme të rrisë eksportin e energjisë elektrike në Republikën e Maqedonisë së Veriut, por në përputhje me normat e tregut evropian të energjisë dhe legjislacionit bullgar, tha gjithashtu Radev.
“Me Presidentin Stevo Pendarovski dhe me Presidentin e Komisionit Evropian diskutuam për mundësitë që BE-ja ta mbështesë financiarisht Maqedoninë, në mënyrë që të shmanget një krizë e mundshme likuiditeti pikërisht në dimrin e ardhshëm në aspektin e furnizimit me energji elektrike. Varet nga vendimet e institucioneve evropiane dhe i takon Shkupit të bëjë kërkesat përkatëse, për të cilat ne ndihmojmë”, tha presidenti.
Presidenti Rumen Radev e cilësoi si "të paarsyeshme" që qeveria bullgare të tregojë hezitim sa i përket qëndrimit të vendit tonë në OKB për gjenocidin në Srebrenicë. “Qëndrimi i Bullgarisë duhet të jetë shumë i qartë, duke afirmuar vlerat dhe..
Për herë të parë në historinë e Meksikës, një grua presidente, Claudia Sheinbaum, është në krye të vendit. "Për herë të parë në historinë 200-vjeçare të republikës, unë do të jem presidentja e parë femër e Meksikës," u tha mbështetësve të saj..
Reagime të stuhishme në Ballkan pas rezolutës së OKB-së për gjenocidin në Srebrenicë Reagime të stuhishme në Ballkan shkaktoi rezoluta e OKB-së për gjenocidin në Srebrenicë, me të cilën 11 korriku u shpall Dita Ndërkombëtare e Përkujtimit të..