Ndihmës Sekretari i Byrosë së Burimeve të Energjisë të Departamentit të Shtetit, Xhefri R. Pajat do të udhëtojë në Stamboll, Bukuresht dhe Sofje në periudhën 10-14 tetor, njoftoi Departamenti i Shtetit i SHBA.

Në Bullgari, ai do të takohet me përfaqësues të qeverisë dhe grupe të sektorit privat për të forcuar lidhjet e biznesit dhe koordinimin e sigurisë së energjisë.

Turneu i tij përfshin takime “në emër të përparimit në marrëdhëniet dypalëshe dhe tregtare energjetike”. Ndihmës sekretari do të diskutojë përpjekjet e përbashkëta për të promovuar sigurinë energjetike evropiane, për të reduktuar varësinë e Evropës nga karburantet fosile ruse dhe për kalimin e mëtejshëm drejt energjisë së pastër, shton njoftimi.