Nuk u arrit asnjë marrëveshje mbi propozimin për të ftuar Presidentin e Ukrainës Vollodimir Zelenski për një fjalim video në ditën e parë të Legjislaturës së 48-të të Kuvendit Popullor. Këtë e ka bërë të ditur Ekaterina Zaharieva nga GERB-SDS pas konsultimeve të forcave parlamentare, në të cilët nuk u përfshin BSP, “Ngritja Bullgare” dhe “Vëzrazhdane”. “Bullgaria Demokratike” dhe “Po e vazhdojmë ndryshimin” ishin kundër që kjo të ndodhë pikërisht në hapjen e parlamentit.

Të zgjedhurit e rinj sot për të tretën ditë diskutuan se cilët duhet të jenë të ftuar në mbledhjen solemne për hapjen e Kuvendit Popullor. Pas diskutimeve të ashpra më 11 dhe 13 tetor, ata vendosën të mos ftonin në këtë aktivitet ambasadoren ruse Eleonora Mitrofanova dhe ambasadorit ad interim të Bjellorusisë në vendin tonë, Nikita Leshukov.

• Ambasadorja ruse u bë shkak i polemikave në fillimin e punës së parlamentit të ri
• Ambasadorët e Rusisë dhe Bjellorusisë mbeten pa ftesë për hapjen e Legjislaturës së 48-të të Kuvendit Popullor

Më vonë, GERB-SDS propozoi për të diskutuar mundësinë e ftesës së Presidentit të Ukrainës, Vollodimir Zelenski, për t’u bërë një fjalim me video në seancën e parë parlamentare.