“Nëse shohim se nuk ka mundësi të formojmë kabinetin, do ta kthejmë mandatin. Nuk kemi ndërmend ta vonojmë. Do të jetë e vështirë të gjejmë shumicën, por nuk është e pamundur.” Këtë e tha për BTV-në kryetarja e BSP-së, mbajtëse e mandatit të tretë, Kornelija Ninova, duke pasur parasysh faktin se Kushtetuta nuk parashikon një afat për caktimin e kandidatit për kryeministër me mandatin e tretë. Lidhur me formulën e qeverisë, Ninova tha se nëse vjen deri te kjo, BSP-ja do të respektojë të tjerët që i mbështesin. “Ne jemi mandatar, por jemi absolutisht të vetëdijshëm se me 24 deputetë nuk mund të formojmë vetë qeverinë. Duhet një bisedë e qetë, normale, e përgjegjshme për të vendosur nëse do të ketë kabinet apo jo”, tha Ninova.

• Skepticizëm tek forcat politike pas dorëzimit të mandatit të tretë të BSP-së