Pyetjes së një gazetari për zgjedhjen e tij për t’ia dorëzuar mandatin e tretë grupit parlamentar të “BSP për Bullgarinë”, kreu i shtetit Rumen Radev iu përgjigj se po kërkonte partinë që ka shanset më të mëdha për formimin e qeverisë. Sipas tij, formacioni ruajti dialogun, nuk nxitoi të vendosë vija të kuqe dhe në shumë raste tregoi se është i gatshëm për kompromis dhe zgjidhje që janë të përbashkëta për një pjesë të madhe të partive në parlament. I pyetur për vazhdimësinë në politikë, presidenti tha se “kabineti teknik po bën të pamundurën për të shfrytëzuar të gjitha mundësitë që ka përpara, në mënyrë që të funksionojë mirë në emër të Bullgarisë”. Sipas tij, të gjitha qeveritë e tjera duhet të ndjekin “politikën si artin e shfrytëzimit të mundësive”.

• Skepticizëm tek forcat politike pas dorëzimit të mandatit të tretë të BSP-së