Si vende të BE-së dhe aleatë në NATO, Bullgaria dhe Greqia janë përgjegjëse për sigurinë rajonale, theksoi presidenti Rumen Radev në një intervistë për gazetën greke “Kathimerini”. Ai theksoi se ndjeshmëria e shoqërisë bullgare ndaj rolit historik të Rusisë në Çlirimin e Bullgarisë nuk e ndryshon faktin që vendi dënon agresionin dhe luftën e Rusisë kundër Ukrainës. Bullgaria do të vazhdojë të mbështesë Ukrainën dhe refugjatët ukrainas brenda mundësive të saj, por po i afrohet “përvjetorit të trishtuar të fillimit të kësaj lufte brutale, e cila ka sjellë vuajtje të tmerrshme, vdekje dhe shkatërrim të plotë në Ukrainë, me pasoja të rrezikshme në shkallë globale. Besoj se mbështetja për Ukrainën duhet të shkojë paralelisht me përpjekjet aktive përmes diplomacisë dhe mekanizmave të tjerë efektivë për të ndalur këtë luftë rraskapitëse”, theksoi Radev.