Kuvendi Popullor miratoi në lexim të parë buxhetin e shtetit për vitin 2023 me 156 vota “pro”. Mbështetja erdhi nga deputetët e GERB-SDS, PP-DB dhe DPS, përderisa “BSP për Bullgarinë”, “Vëzrazhdane” dhe “Ka një popull të tillë” ishin kundër.

“Ky buxhet nuk është revolucionar, ai vazhdon politikat dhe praktikat e mira të nisura vitet e fundit. Ne arrijmë të qëndrojmë në një deficit prej 3% për të tretin vit dhe ia dalim sipas portofolit dhe kjo nuk i dëmton qytetarët bullgarë”, sipas ministrit të financave Asen Vasilev.

• Kriteri i deficitit 3 për qind duket të jetë i vetmi rreth të cilit fokusohet Projektbuxheti 2023

Përkundër mbështetjes, GERB-SDS deklaroi se buxheti nuk zgjidh asnjë problem të vetëm dhe as nuk parasheh një reformë serioze.

Sipas kryetares së BSP-së, Kornelija Ninova, masat e qeverisë po bllokojnë punën e bizneseve të vogla dhe të mesme.

Në plan-llogarinë shtetërore parashikohen 69.5 miliardë leva / 35.53 miliardë euro/ të ardhura nga më shumë arkëtimi nga Agjencia Kombëtare e të Ardhurave dhe Agjencia e Doganave, nga 100% dividente nga ndërmarrjet shtetërore dhe vetëm nga 1.8% rritje ekonomike.

Shpenzimet janë 74 miliardë leva /37.84 miliardë euro/, ndërsa pagesat sociale ruhen - pensionet e rritura sipas rregullit zviceran, 780 leva paga minimale mujore /398.81 euro/, 504 leva /257.69 euro/ kufiri i varfërisë.

• Konfederata e Punës “Podkrepa” dhe Konfederata e Sindikatave të Pavarura në Bullgari nuk janë të prirë të mbështesin një buxhet të cilit i mungon politika e të ardhurave