Kisha Ortodokse Bullgare çdo vit më 8 shtator kremton Lindjen së Hyjlindëses së Shenjtë, e njohur në traditën popullore si Hyjlindësja e Vogël. Tradita kishtare tregon se Zoti dëgjoi lutjet e prindërve të moshuar të nënës së Krishtit  - shenjtorëve Joakim dhe Anna, dhe i bekoi ata me një vajzë pas vitesh të gjata pa fëmijë. Dita pas festës së Lindjes së Virgjëreshës së Shenjtë ose Virgjëreshës së Vogël u kushtohet prindërve të Nënës së Zotit, të quajtur edhe “baballarë të Zotit”. Për Virgjëreshën Mari u lajmërua se ajo është një bekim për njerëzimin, sepse nëpërmjet saj do të jepet shpëtimi i gjithë botës.

Lindja është një nga tri festat e mëdha kushtuar Nënës së Zotit, dhe është ndër 12 festimet më të mëdha fetare në kalendarin e kishës.

• Lindja e Hyjlindëses Mari

Në kishat e gjithë vendit shërbehen liturgji solemne, ndërsa besimtarët i drejtojnë lutje Nënës së Zotit, me shpresë dhe besim. Bashkë me Fjetjen e Hyjlindëses (15 gusht), Lindja e Nënës së Zotit (8 shtator) është ndër festat më të nderuara të krishterë, në të cilat organizohen takime familjare në të gjithë Bullgarinë.

Sipas traditave bullgare, festa shënohet kryesisht nga gratë, në mënyrë që Nëna e Zotit t'i ndihmojë në vështirësi. Besohet se Shën Mari është mbrojtëse e familjes së krishtere, nënave dhe fëmijëve. Festa e Virgjëreshës së Vogël është një nga festat më të njohura, në të cilën mbahen tubime në të gjithë vendin.

• Nëna e Zotit në besimet popullore dhe në përfytyrimet tradicionale të bullgarëve
• Shën Hyjlindësja në ikonografinë bullgare