Anton Hekimjan është kandidati i GERB-it për kryebashkiak të kryeqytetit dhe është regjistruar në Komisionin Komunal të Zgjedhjeve. Hekimjan ka lindur më 22 maj 1984 në familjen e një bullgari dhe një armeni në Stara Zagora. Deri pak ditë më parë ai ishte drejtor i “Lajmeve dhe aktualiteteve” në televizionin bTV, ku e nisi karrierën e tij si praktikant. Hekimjan do të kryesojë gjithashtu listën e këshilltarëve të GERB-it në Këshillin Komunal të Kryeqytetit. Pasi u regjistrua, Hekimjan deklaroi se ka marrë një garanci nga GERB se do të ishte në gjendje t’i merrte vendimet në mënyrë të pavarur. Ai shpjegoi gjithashtu se prej vitesh është mësuar të jetë para kamerës dhe është një personazh publik që nuk ka asgjë për të fshehur.

Vizioni im është që kryeqyteti të jetë një qytet akoma më modern dhe më i gjelbër, të jetë i hapur për investime. E vë si theks arsimin, sepse ai do të sjellë potencial dhe personel në qytet dhe do ta zhvillojë atë", tha kandidati. Vetë lideri i GERB-it Bojko Borisov nuk ishte i pranishëm në prezantimin e kandidatit, por Hekimjan theksoi se Borisov personalisht i ka propozuar atij për të qenë kandidat për kryetar bashkie.