Bullgaria duhet të hartojë një plan diversifikimi për të ndaluar importimin e energjisë ruse deri në vitin 2027, tha komisionerja evropiane e energjetikës Kadri Simson gjatë Javës së Zhvillimit të Qëndrueshëm në Bruksel të organizuar nga “Politico”.

Simson kritikoi ashpër Hungarinë dhe i bëri thirrje asaj që të shtojë përpjekjet për të ndaluar blerjen e energjisë nga Rusia. Ajo tha se kjo e lë vendin të prekshëm ndaj ndikimit keqdashës të Moskës. "Unë njoh një udhëheqës politik në Evropë që shtrëngon dorën me këtë kriminel lufte, por kjo është situata," tha Simson, duke iu referuar kryeministrit hungarez Viktor Orban. Më 15 nëntor, BE-ja pritet të shpallë paketën e 12-të të sanksioneve kundër Rusisë. Nuk ka gjasa që të ketë kufizime në blerjen e gazit natyror rus, megjithëse disa shtete anëtare këmbëngulin për këtë.