Fotot unike të burrave të maskuar të quajtur kukerë po përhapen në internet, duke treguar një pjesë të vogël të pamjeve të kapura nga një ekip i National Geographic në Bullgari. Operatorët nga kanali i famshëm televiziv shkencor po përgatisin një film për serialin "Evropa nga lart", i cili tregon për traditat në qytetin turistik të Banskos. Më 1 janar, gjatë vetë festivalit të kukerëve, u zhvillua pjesa e parë e xhirimeve, mësojmë nga botimi online Pirinsko.com.
Në mëngjesin e hershëm të 6 janarit, në ditën e Shën Joanit, kukerë nga të gjitha lagjet e qytetit të Banskos hipën në teleferik dhe pushtuan Pirinin, njofton faqja, e cila publikon fotot e shpërndara në rrjetet sociale. Pamjet janë vepër e fotografëve Aleksandër Cigurijn dhe Boris Kolçagov. “Qytetarët e Banskos pushtuan malin dhe u duk sikur universi u shpalos për të treguar bukurinë e natyrës, traditave dhe njerëzve”, thuhet gjithashtu në publikimin online.
Bullgaria vitin e kaluar hyri në sezonin e katërt të emisionit “Evropa nga lart”, i cili prezanton pamje spektakolare ajrore të kontinentit të vjetër. Më pas, shikuesit e një prej kanaleve televizive shkencore më të ndjekura në botë panë pamje fantastike nga Perperikoni i lashtë, spektaklin emblematik "Tingulli dhe drita" në Veliko Tërnovo, vallëzimin mistik Paneuritmia e Shtatë Liqeneve të Rilës dhe fotografi të tjera mahnitëse të Bullgarisë të kapura nga ajri.
National Geographic ka prezantuar edhe në herë të tjera traditën bullgare të kukerëve. Ju kujtojmë se në janar 2021 fotot e kukerëve të mrekullueshëm të fotografit bullgar Ivo Dançev u shfaqën në faqet e botimit në artikullin "Mes dy botëve", kushtuar riteve të maskave në vendin tonë. Vitin e kaluar Ivo u fokusua tek lidhja e kukerëve me blegtorinë, e cila është shumë e vjetër dhe e fortë! Dhe së fundmi ai prezantoi projektin e tij të fundit të kukerëve.
Përgatiti në shqip dhe publikoi: Kostandina Bello
Edicioni i dhjetë i Festivalit Kombëtar të Lavandës zhvillohet më 14 dhe 15 qershor në fshatin Çirpan të Sredno Gradishtes. Janë disa nga plantacionet më të vjetra të livandës në vend, të cilat kanë ekzistuar për më shumë se 80 vjet. Koncepti i festës..
Në Ditën e Dyerve të Hapura - 15 Qershor, për herë të parë vizitorët e Muzeut të Mozaikëve në Devnja do të prezantohen me gjetjet e restauruara të zbuluara në vitin 2023. Bëhet fjalë për enë balte dhe llamba, të bëra në stilin e mjeshtrave nga..
Këtë verë, të ftuarit e bashkisë Çepelare do të mund të diversifikojnë pushimet e tyre në natyrën e bukur të Rodopeve me një tjetër rrugë malore. Bëhet fjalë për shtegun e ri turistik “Laboratori i shpellës, Stara Pllanina, shpella e Topçetos, shtylla e..
Sofja raporton një rritje prej 7% të numrit të turistëve për gjysmën e parë të 2024. Rritja është 15% sipas bazës vjetore për vitin 2023, me trafik..