7
Për shumë banorë dhe mysafirë të kryeqytetit bullgar, një shëtitje në Vitosha - mali që ngrihet në afërsi të qytetit - është një kënaqësi e madhe.
Duhet vetëm gjysmë ore për të arritur në zonën “Urët e Arta” (“Zllatnite Mostove”) të Vitoshës, prej nga nisin shtigje të shumta nëpër mal.
Një rrugë e lehtë dhe e këndshme kalon nëpër shtëpinë malore "Kompozitorët" (e njohur edhe si shtëpia malore "Kësulëkuqja"), që gjendet në një lartësi prej 1446 m.
Nga atje, një shteg i gjerë të çon përmes pyllit në një kryqëzim që bashkohet me një shteg tjetër që të çon lart në mal.
Ai kalon pranë pistës së vogël të skive të zonës “Ofeliite”, e preferuar e shumë fëmijëve gjatë fundjavës.
Pas rreth 30-40 minutash ecje përpjetë nëpër livadhet malore, duke kaluar një rrugë të asfaltuar dhe një pyll të bukur, arrini në një tjetër shtëpi malore të Vitoshës, e preferuar nga turistët - "Edellvajs" (Ylli i Alpeve), që ndodhet në një lartësi prej 1771 m.
Rruga është ideale për një shëtitje njëditore në mal, si në dimër, ashtu edhe në verë.
Përpiloi: Rosica Petkova
Foto: Rosica Petkova
Përgatiti në shqip dhe publikoi: Vesella Mançeva
Mbi 200 survakarë (djem që shkojnë shtëpi më shtëpi për të uruar Vitin e Ri), krijues maskash dhe valltarë popullorë prezantojnë në Kopshtin e Borisit në Sofje festivalin "Surva" , i cili do të mbahet në Pernik në fund të..
Më 6 janar festojmë një nga festat më të ndritshme të krishtera – Theofaninë, Epifaninë, Ditën e Bekimit të Ujit, Ditën e Jordanit ose Pagëzimin e Zotit. Dita e Bekimit të Ujit dhe simbolet e pagëzimit Në kishat mbahet një liturgji..
Humori festiv është kudo - në shumë qytete pemët e Krishtlindjeve tashmë janë të ndezur, pazaret e shumta tërheqin vizitorët me suvenire të bukura, pjata të shijshme dhe verë aromatike të zier. Këto ditë, në kryeqytetin e Sofjes shumë..
Pjesërisht me re
Mot i kthjellët
Vranësira të ndryshueshme mundësi për reshje shiu