Qyteti danubian bullgar Ruse do të aplikojë deri në vitin 2025 për t'u bërë një qytet kreativ i kuzhinës i UNESCO-së, tha për BTA drejtori i Muzeut Historik të qytetit, Prof. Nikollaj Nenov. Sipas tij, Ruse ka nevojë për një perspektivë që do të mobilizojë forcat dhe energjinë krijuese të organizatave joqeveritare, institucioneve kulturore dhe shoqërisë civile. Ai shpjegoi se përfitimi i Qyteteve Kreative të UNESCO-së nuk është domosdoshmërisht material. “Natyrisht që do të ketë zhvillim edhe për turizmin. Nuk është vetëm një restorant apo një hotel. I referohet gjithçkaje që ka ndodhur deri më tani - konkurset e kuzhinës, ekspozitat e verërave, sepse kemi pasur prodhim të verës në rajon për një kohë shumë të gjatë. Natyrisht, torta “Garash”, e cila është një produkt shumë i rëndësishëm kulturor i qytetit Ruse. Rëndësi kanë edhe tregjet e fermerëve, prodhuesit – pra ata njerëz që do të bëjnë prodhimet vendore me të cilat do të prodhohet kuzhina vendase”, shpjegoi prof. Nenov.
Ai gjithashtu dha një shembull me propozimin për një festival të verës në Ruse, i cili përshtatet me rrugën kulturore evropiane të certifikuar nga Këshilli i Evropës - për perandorët romakë dhe rrugën e verës përgjatë rrjedhjes së lumit Danub. Ai theksoi se në vendin tonë Sofja është qytet krijues i kinemasë të UNESCO- së, ndërsa Gabrovo është qytet krijues i artizanatit dhe artit popullor të UNESCO-së.
Zona “Gradishteto” në Rodopet Perëndimore është e mbushur me silueta shkëmbore kafshësh, formimi i të cilave u përsos nga dora e njeriut afro 7 mijë vjet më parë. Në ditët e sotme këto skulptura misterioze janë të aksesueshme falë një rruge..
Mbi 6000 bullgarë do të ngjiten në majën Shipka më 3 Mars për të nderuar ata që sakrifikuan jetën e tyre për lirinë e Bullgarisë. 25 mijë bashkatdhetarë të tjerë do të shfrytëzojnë pushimet rreth Festës Kombëtare - 3 Marsit për të vizituar..
Ata që punojnë në industrinë turistike në rajonin e Varnës po përgatiten që tani për sezonin e verës. Duke gjykuar nga rezervimet paraprake, ka një shans për të arritur më në fund nivelet rekord për sektorin në vitin 2019, mësojmë nga një intervistë me..