Më 9 shtator mbushen 90 vjet nga fundi i Mbretërisë së Bullgarisë dhe vendosja e regjimit komunist në Bullgari. Në kulmin e Luftës së Dytë Botërore, kur Ushtria Sovjetike shkoi në ofensivë pas Betejës së Stalingradit dhe arriti në Rumani në gusht të vitit 1944, Bullgaria ishte ende një aleate e Gjermanisë Naziste. Për të ruajtur sovranitetin e saj, ajo ndërpreu marrëdhëniet me Rajhun e Tretë, nën kërcënimin e veprimeve ushtarake nga Bashkimi i Republikave Socialiste Sovjetike. Mirëpo, natën e 8 duke u gdhirë 9 shtatori 1944, qeveria bullgare, në të cilën ishin përfshirë disa parti demokratike, u rrëzua nga oficerët që dezertuan në Frontin Patriotik. Ai përfshinte Partinë e Punëtorëve Bullgarë /komunistët/, forca nga opozita legale: nga rrethi "Zveno", nga Partia Demokratike, Bashkimin Bujqësor Popullor Bullgar dhe parti të tjera bujqësore. Grushti i shtetit u krye nën udhëheqjen e Partisë së Punëtorëve Bullgarë. Me urdhër kreut të Kominternit Georgi Dimitrov, u morën institucionet kryesore - Ministria e Luftës, Posta Qendrore, Pallati i Telefonisë, Stacioni Qendror dhe objekte të tjera strategjike në Sofje. Kimon Georgiev nga rrethi politik "Zveno", i cili më parë mori pjesë në grushtet e shtetit më 9 qershorin 1923 dhe 19 majin 1934, shpalli në Radio udhëheqjen e re të Komitetit Kombëtar të Frontit Patriotik. Ministrat e qeverisë së Konstantin Muraviev u arrestuan. Kimon Georgiev qëndroi në krye të qeverisë së re, me ndihmën e forcave të Frontit të Tretë të Ukrainës të Ushtrisë së Kuqe.Kështu, Bullgaria ra në sferën e ndikimit sovjetik dhe mori rrugën e zhvillimit socialist. Në muajt deri në fund të vitit 1944, pasoi një valë hakmarrje dhe represioni me të papërshtatshmit pa gjyq dhe dënim, deri në formimin e të ashtuquajturës Gjykata Popullore.
Lexoni më shumë:
Nga qyteti Tutrakan (Bullgaria Veriore), më 30 maj, filloi marshimi i 39-të "Në rrugën e çetës së Vojvodës Tanjo". Ngjarja është nën patronazhin e Presidentit Rumen Radev. U mbajt rishfaqja tradicionale e zbarkimit të çetës në brigjet e Danubit...
Në një deklaratë në televizionin e vetëm atëherë kombëtar më 29 maj 1989, Kryetari i Këshillit Shtetëror të Republikës Popullore të Bullgarisë dhe Sekretari i Përgjithshëm i Komitetit Qendror të Partisë Komuniste Bullgare, Todor Zhivkov, i bën..
Nga bregu i Danubit afër Kozlloduit, ku në vitin 1876 çeta e poetit-revolucionar Hristo Botev zbarkoi me anijën austriake "Radecki", filloi edicioni i 76-të i Marshit Kombëtar "Nëpër gjurmët e çetës së Botevit". 120 kilometrat deri në majën historike..