Ministria e Punëve të Brendshme informon se që nga 25.03 2020 bullgarët, të cilët udhëtojnë për në Rumani duhet të mbeten nën karantinë 14 ditë pas mbërritjes së tyre në fqinjën tonë veriore në adresë të deklaruar nga vetë njerëzit. Kjo nuk është në fuqi për shoferët e maunave dhe për bullgarët që kalojnë transit territorin e Rumanisë. Automjetet për transportim, të cilët udhëtojnë për në Moldavi dhe Ukrainë, mund të kalojnë kufirin në drejtim të Rumanisë vetëm në PKK Ruse-Giurgiu.
Trafiku i automjeteve për transport mallrash në drejtim të Turqisë në pikat e kontrollit Kapitan Andreevo dhe Lesovo është shumë intensiv, sidomos në daljet për kamionë dhe mauna. Turqia lejon hyrjen në territorin e vet vetëm të shtetasve të saj me makina, mikrobusë dhe autobusë, të huajtë nuk kanë të drejtën të kalojnë kufirin turk në këtë mënyrë. Bullgarët, të cilët dëshirojnë të kthehen në Bullgari nga Turqia, mund ta bëjnë këtë në tri pikat e kontrollit kufitar. Turqia po aplikon kufizime për shoferët e kamionëve, të cilët vijnë nga vende, ku situata epidemiologjike është e rëndë. Tani për tani automjetet e rënda bullgare kanë të drejtën të hyjnë në Turqi.
Greqia nuk lejon kalimin kufirit të saj me Bullgarinë të shtetasve të huaj, pa arsyetim dhe qëllim të qartë të udhëtimit. Në Greqi mund të hyjnë vetëm të huaj, të cilët punojnë, apo jetojnë në Greqi dhe kjo duhet të provohet në PKK me dokument zyrtar në gjuhën greke. Kufizimi nuk është në fuqi për shoferët e kamionëve. Trafiku i automjeteve të rënda në tri pikat e kontrollit – Kullata, Kapitan Petko Vojvoda dhe Ilinden, është normal.
Në pikat e kontrollit në kufirin me Serbinë Vrëshka Çuka dhe Kalotina, trafiku i automjeteve të rënda gjithashtu është i zakonshëm, por nuk lejohet kalimi i kufirit me makina, mikrobusë dhe autobusë në të dyja drejtimet. Ky rregull është në fuqi dhe për shtetasit serbë. Është lejuar vetëm kalimi i automjeteve të rënda dhe humanitare. Është ndaluar kalimi i kufirit në pikat Oltomanci, Strazimirovci dhe Bregovo.
Në PKK Gjueshevo në kufirin me Maqedoninë e Veriut trafiku është normal. Fqinja jonë jugperëndimore nuk lejon hyrjen në territorin e saj të të huajve me makina, autobusë dhe mikrobusë, kurse shtetasit e saj mund të hyjnë në vend vetëm përmes pikës së kontrollit Gjueshevo. Duke dalë jashtë Maqedonisë së Veriut udhëtarët mund të përdorin vetëm PKK Gjueshevo - Deve Bair. Automjetet e rënda mund të kalojnë në të gjitha PKK me Maqedoninë e Veriut në të dyja drejtimet. Sipas informacionit të autoriteteve doganore maqedonase kamionët dhe maunat bosh nuk do të mund të kalojnë kufirin nga ora 22.00 deri në orën 07.00.
*informacioni është ofruar në orën 06.00 më 25.03.2020.
Makina klasike të nivelit të lartë të Shërbimit Kombëtar të Mbrojtjes janë ekspozuar që nga sot deri më 15 shtator në Muzeun Historik Kombëtar. Ekspozita është me rastin e 145 vjetorit të themelimit të Shërbimit Kombëtar të Mbrojtjes të..
Gjatë natës nga perëndimi në lindje reshjet e shiut do të ndalen dhe vranësirat do të çahen dhe do të zvogëlohen. Ditën e enjte do të mbajë mot me diell në Bullgarinë Perëndimore dhe Qendrore. Dukshmëria do të jetë përkohësisht e zvogëluar..
Gjykata e Lartë Administrative anuloi si të paligjshëm refuzimin e Komisionit Qendror të Zgjedhjeve (KQZ) për regjistrimin e koalicionit "Lëvizja për të Drejta dhe Liri - Fillimi i Ri" (një nga dy fraksionet e Lëvizjes për të Drejta dhe Liri - DPS)..
Skandali me dhënien e pasaportave bullgare për para gjashtë vjet më parë mund të vërë në pikëpyetje kandidaturën e Ekaterina Zaharieva për komisionere..
Gjatë 24 orëve të ardhshme do të mbajë mot i vranët. Në shumë vende do të ketë reshje shiu, kryesisht në gjysmën lindore të vendit, do të shoqërohen me..
Deri më tani, Komisioni Qendror i Zgjedhjeve (KQZ) nuk ka marrë vendim për aplikimin e dorëzuar që fraksioni i DPS-së rreth kreut të nderit Ahmed Dogan..