Ministria e Punëve të Brendshme informon se që nga 25.03 2020 bullgarët, të cilët udhëtojnë për në Rumani duhet të mbeten nën karantinë 14 ditë pas mbërritjes së tyre në fqinjën tonë veriore në adresë të deklaruar nga vetë njerëzit. Kjo nuk është në fuqi për shoferët e maunave dhe për bullgarët që kalojnë transit territorin e Rumanisë. Automjetet për transportim, të cilët udhëtojnë për në Moldavi dhe Ukrainë, mund të kalojnë kufirin në drejtim të Rumanisë vetëm në PKK Ruse-Giurgiu.
Trafiku i automjeteve për transport mallrash në drejtim të Turqisë në pikat e kontrollit Kapitan Andreevo dhe Lesovo është shumë intensiv, sidomos në daljet për kamionë dhe mauna. Turqia lejon hyrjen në territorin e vet vetëm të shtetasve të saj me makina, mikrobusë dhe autobusë, të huajtë nuk kanë të drejtën të kalojnë kufirin turk në këtë mënyrë. Bullgarët, të cilët dëshirojnë të kthehen në Bullgari nga Turqia, mund ta bëjnë këtë në tri pikat e kontrollit kufitar. Turqia po aplikon kufizime për shoferët e kamionëve, të cilët vijnë nga vende, ku situata epidemiologjike është e rëndë. Tani për tani automjetet e rënda bullgare kanë të drejtën të hyjnë në Turqi.
Greqia nuk lejon kalimin kufirit të saj me Bullgarinë të shtetasve të huaj, pa arsyetim dhe qëllim të qartë të udhëtimit. Në Greqi mund të hyjnë vetëm të huaj, të cilët punojnë, apo jetojnë në Greqi dhe kjo duhet të provohet në PKK me dokument zyrtar në gjuhën greke. Kufizimi nuk është në fuqi për shoferët e kamionëve. Trafiku i automjeteve të rënda në tri pikat e kontrollit – Kullata, Kapitan Petko Vojvoda dhe Ilinden, është normal.
Në pikat e kontrollit në kufirin me Serbinë Vrëshka Çuka dhe Kalotina, trafiku i automjeteve të rënda gjithashtu është i zakonshëm, por nuk lejohet kalimi i kufirit me makina, mikrobusë dhe autobusë në të dyja drejtimet. Ky rregull është në fuqi dhe për shtetasit serbë. Është lejuar vetëm kalimi i automjeteve të rënda dhe humanitare. Është ndaluar kalimi i kufirit në pikat Oltomanci, Strazimirovci dhe Bregovo.
Në PKK Gjueshevo në kufirin me Maqedoninë e Veriut trafiku është normal. Fqinja jonë jugperëndimore nuk lejon hyrjen në territorin e saj të të huajve me makina, autobusë dhe mikrobusë, kurse shtetasit e saj mund të hyjnë në vend vetëm përmes pikës së kontrollit Gjueshevo. Duke dalë jashtë Maqedonisë së Veriut udhëtarët mund të përdorin vetëm PKK Gjueshevo - Deve Bair. Automjetet e rënda mund të kalojnë në të gjitha PKK me Maqedoninë e Veriut në të dyja drejtimet. Sipas informacionit të autoriteteve doganore maqedonase kamionët dhe maunat bosh nuk do të mund të kalojnë kufirin nga ora 22.00 deri në orën 07.00.
*informacioni është ofruar në orën 06.00 më 25.03.2020.
Kryeministri në detyrë Dimitër Gllavçev deklaroi në sallën plenare se gjendja me zjarret është e rëndë, por për momentin nuk kemi nevojë për ndihmë shtesë. “Mekanizmi ndërkombëtar për mbrojtjen civile në kuadër të Bashkimit Evropian është..
Zjarri në grumbullin e mbeturinave në fshatin Callapica, i cili shpërtheu mbrëmjen e kaluar në një sipërfaqe prej rreth 16 hektarësh, përfshiu qytetin e dytë më të madh bullgar - Plovdiv. Stacionet e lëvizshme të Inspektoratit Rajonal të..
Dyzet për qind e vendit tonë është një shkretëtirë demografike me një popullsi prej më pak se 10 banorë për kilometër katror, deklaroi Kostadin Kostadinov, kryetar i Komisionit Parlamentar për Politikat Demografike, Fëmijët dhe Familjen...
Pas kthimit të mandatit të tretë të paplotësuar për formimin e qeverisë nga grupi parlamentar i partisë “Ka një popull të tillë” (ITN), presidenti..
Për festën e vet kisha “Shpërfytyrimi i Zotit” në kompleksin turistik Borovec mirëpret Patriarkun bullgar Daniill dhe Mitropolitin e Sofjes për..
Gjatë natës do të mbizotërojë mot i kthjellët, kryesisht në veri të Bullgarisë me rritje të përkohshme të vranësisë. Era do të fryjë e dobët dhe do..