Radioja Kombëtare Bullgare © 2020 Të gjitha të drejtat janë të rezervuara

Motokino - atraksioni i ri i kinemasë në Sofje

Foto: Autokino SILDA

Në pjesë të ndryshme të Evropës pandemia e riktheu për jetë të re kinemanë në makinë-një shenje dalluese të kulturës amerikane nga vitet 50 të shekullit të kaluar. Hyrja e teknologjive moderne dhe zhvillimi i tyre tepër i shpejt, çoi deri në harrimin e kësaj kinemaje. Tani kjo formë e dëfrimit po kthehet dhe bëhet gjithnjë e më tërheqëse, meqenëse respektimi i distancës fizike është shumë më i lehtë, në krahasim  me kinematë moderne.

“Bëjmë projeksione çdo javë. Kur janë të filmave bullgarë, zakonisht një pjesë nga ekipi krijues, i cili ka punuar mbi të, na vjen për vizitë, që të mund ta prezantojë. Ne punojmë, që të mund vajtja në kinema në makinë të jetë diçka më shumë se shikimi i thjesht i një filmi, se kjo të jetë një përjetim kompleks, të cilin njerëzit do ta mbajnë mend”, thotë David Levi - një nga themeluesit e kinemasë së parë në makina në Sofje.


Kohët e fundit ka projeksione dhe për motoçiklistët, ku këto të fundit në përpjesëtim botëror kanë qenë gjatë viteve 90 të shekullit të kaluar në Shtetet e Bashkuara. Në premierën e projeksionit në ekran me përmasa 5 me 8 metra u mblodhën mbi 300 motoçikleta.  

“Kishte dhe njerëz të cilët në vet fillimin erdhën nga kureshtja, por presim të përfshihen në ngjarjet e ardhshme të këtij lloji, të cilat mendojmë që të organizojmë. Është normale që gjëja e re të shkaktojë një farë dyshimi. Por, gjithsesi kishte një interes dhe presim që ai vetëm të rritet. Planifikojmë dhe të  punojmë me disa klube të motoristëve në të ardhme”.

Në programin e kinemasë me makina në Sofje shpesh shfaqen jo vetëm filma, por dhe spektakle dëfryese, tregon David Levi:

“Në mbrëmjen e parë shfaqëm filmin me titull “Rokënroli” i cili tregon historinë e hard-rokut bullgar dhe të pënk-rokut nga vitet 80 dhe 90 të shekullit të kaluar. Përveç kësaj kishte dhe interpretime të rok bandave, vallëzime, fishekzjarrë....Programi qe mjaft i ngjeshur. Kishim dhe dy dyshe drejtuesish. Njëra e drejtonte regjinë e ngjarjes nga skena, kurse tjetra - dy artiste të reja dhe jashtëzakonisht të talentuara, qenë midis njerëzve dhe bënin shaka me ta. Ato shëtisnin me një “Covid-metër” të cilin ne e menduam vetë. Ai përbën një shkop me gjatësi metër e gjysmë, me ndihmën e të cilit  të mund të matet distanca fizike - deri diku dhe me shaka, por qe dhe një mënyrë origjinale të mund të respektojmë masat kundra epidemike”.

Covid-19 është shkaku kryesor për zhvillimin e projektit, por jo dhe i vetmi. Ekipi i organizatorëve është i frymëzuar dhe nga romanca e kohërave të kaluara dhe mendon se, kinemaja në makinë jep një mundësi për një përqendrim  më të mirë  në përmbajtjen dhe atmosferën e filmave:

“Kur njeriu është në kinema me makinën e tij, ai ka mundësinë të shijojë dy botë-njëkohësisht është vetëm ose në mes të kompanisë së vet, por përreth ka dhe njerëz të tjerë. Kjo krijon ndjenjën për një unitet, pa iu nënshtruar rrezikut shëndetësor. Përveç kësaj në makinë njeriu gëzon një liri të plotë personale, të cilën salloni i zakonshëm nuk mund ta propozojë. Ka dhe një element të pritjes, të së panjohurës, për shkak të faktit  se çdo gjë rastis në të hapur, nën yjet. Është shumë e rëndësishme se ofrojmë dhe kokoshka, sepse kinema pa kokoshka nuk është një kinema e vërtetë”.

Por, përse është humbur interesi ndaj këtij tipi projektimesh për një kohë kaq të gjatë dhe a është e mundur që të ruhet rritja e tanishme e interesit dhe pas evitimit të krizës me koronavirusin? Sipas David Levi, dëshira e njerëzve të vizitojnë kinema të këtij lloji vetëm do të forcohet me kalimin e kohës:

“Mbase akoma nuk e kemi kuptuar plotësisht, por prej disa muajve ne po jetojmë në një botë tjetër. Dhe ajo krijon fushë për rivendosjen e kësaj kulture, sepse njerëzit kanë nevojë për kontakte sociale dhe për komunikim me qenie të tjera njerëzore, qofshin ata dhe përmes dritares së automobilit.”

Përgatiti në shqip: Nataniela Vasileva

Foto: Facebook/David Levi dhe Autokino SILDA


Më shumë nga rubrika

Në Bullgari vdekshmëria nga Covid-19 po pakësohet

Bullgaria zë vendin e 25 për nga sëmundja nga koronavirusi dhe vendin e 8 për nga vdekshmëria në Bashkimin Evropian, njoftoi kryeinspektori shtetëror i shëndetësisë Angell Kunçev në brifingun e Shtabit  Operativ Kombëtar. Sipas fjalëve të tij, çdo ditë..

botuar më 20-10-01 3.38.MD

Me prani fizike ose online – viti akademik në universitete filloi

Një vit të ndryshëm akademik fillojnë universitetet në Bullgari. Për herë të parë fushatat e kandidat-studentëve u zhvilluan në një mjedis nga larg, kurse pasi evituan sfidat të punojnë krejtësisht në një mjedis të tillë nga larg, menaxherët e shkollave..

botuar më 20-10-01 2.34.MD

Më shumë fëmijë bullgarë në shkollat e së dielës në Stamboll dhe në Edrene

90 fëmijë do të frekuentojnë shkollat bullgare të së dielës në Turqi gjatë vitit të ri shkollor. Njëra shkollë është në Stamboll, tjetra në Edrene. Në Shkollën e Ekzarkisë Bullgare në Stamboll nuk mësojnë vetëm fëmijë. Aty ofrohet edhe mësimi i..

botuar më 20-10-01 7.05.PD