Radioja Kombëtare Bullgare © 2020 Të gjitha të drejtat janë të rezervuara

Optimizëm i matur për marrëdhëniet ekonomike bullgaro-turke në sfondin e Covid-19

Pandemia nga Covid-19 preku të gjithë ekonominë botërore, kurse milionë njerëz humbën punën e vet. Kriza çoi deri në ngushtimin e konsumit, deri në ndërprerjen e prodhimeve dhe deri në ndërprerjen e vargjeve tanimë të ndërtuara për furnizime. Pasojat ekonomike nga kriza globale shëndetësore janë të dukshme dhe këtu në Ballkan. Në këtë sfond, si zhvillohen lidhjet ekonomike bullgaro-turke.

Gjatë viteve të fundit Bullgaria dhe Turqia po mbajnë një qarkullim të qëndrueshëm tregtar prej rreth 4,5 miliardë euro për vit. Për shkak të ndikimit të pandemisë  dhe masat kundra korona virusit si ekonomia bullgare ashtu dhe ajo turke shënuan një ngushtim me rreth 10% për tremujorin e dytë nga viti. Në fqinjën tonë juglindore kjo qe gërshetuar dhe me shtimin e deficitit të jashtëm tregtar dhe inflacionin relativisht të lartë. Cilat janë qëndrimet mes biznesit, komenton Vencisllav Venkov , drejtor ekzekutiv  i Dhomës Industriale Tregtare Bullgaro-Turke.  

“Një anketë e bërë prej nesh mes anëtarëve tanë, në periudhën e pandemisë, tregoi se, pothuajse të gjithë pjesëmarrësit në të prognozojnë  se, kriza do të ndikojë seriozisht dhe mbi tregjet dhe mbi fitimet. Ky është mendimi i mbi 80% prej firmave. Por të shpresojmë se, kjo është gjë e kaluar, meqenëse po hyjmë në një stinë mjaft të fortë për biznesin, siç është stina vjeshtë-dimër”.

Mes sektorëve të cilët kanë pësuar humbje më të rënda nga kriza janë industria, shitjet me pakicë dhe shërbimet, ndaj të cilave bien po kështu turizmi, hoteleria dhe biznesi i restoranteve.

Një nga degët e pakta, të cilat jo vetëm se qenë të prekura nga kriza, por madje morën dhe stimul prej saj, janë industria e paketimit dhe e ambalazhimit. Në këtë sektor është dhe veprimtaria e njërit prej investitorëve të mëdhenj turk në Bullgari, sqaron  Vencisllav Venkov:”Firma, e cila përpara ca kohe bleu uzinën për kavanoza dhe kapak në qytetin Ljaskovec, mundi të evitojë të gjitha negativat e krizës.

Një firmë tjetër, e cila prodhon produkte prej alumini në qytetin Shumen, po kështu mjaftë dobët ndjeu ndikimin e pandemisë.”

Drejtori ekzekutiv i Dhomës Tregtare Industriale Bullgaro-Turke ve në dukje se ku shikon potencial për zhvillimin e marrëdhënieve tregtare-ekonomike dypalëshe:

“Një bazë për optimizëm më jep marrëveshja të cilën e lidhëm me Asociacionin e Dhomave Tregtaro-Industriale dhe të bursave të mallrave (Türkiye Odalar ve Borsalar Birliği, TOBB) në Turqi. Kjo është organizata, e cila bashkon që të gjitha dhomat tregtare-industriale në vend dhe ka mbi 1,5 milionë anëtarë. Marrëveshja jep mundësi të zhvillojmë aktivitete të përbashkëta, forume, prezantime të mundësive për investime në Bullgari dhe Turqi. Kurse kjo hap mundësi përpara të gjitha firmave bullgare dhe të huaja, të cilat punojnë në Bullgari, drejt tregut të madh e të gjerë të fqinjëve”.

Përgatiti në shqip: Nataniela Vasileva

Foto: arkiv

Më shumë nga rubrika

10% rritje e shpenzimeve për pagat

Megjithë krizën për shkak të pandemisë së Covid-19 shpenzimet e biznesit dhe të shtetit për pagat po rriten. Sipas Institutit Kombëtar të Statistikave gjatë tremujorit të dytë të vitit shpenzimet e përgjithshme për një orë pune të punuar janë..

botuar më 20-09-21 5.45.MD

Bullgaria është një shtet me qeverisje elektronike të zhvilluar shumë mirë

Bullgaria është në vend të 44 ndër 193 shtete në Indeksin për zhvillim të qeverisë elektronike (EDGI), tregon një raport i OKB-së. Për herë të parë vendi ynë hyn në kategorinë “shkallë shumë e lartë e zhvillimit të qeverisjes elektronike”, ndër..

botuar më 20-09-21 3.58.MD
Bankieri Levon Hamparcumjan

Sistemi bankar nuk është goditur nga kriza e koronavirusit

Sistemi bankar nuk u godit drejtpërsëdrejti nga kriza e koronavirusit. Aktualisht ai është i qëndrueshëm dhe nuk pritet rritje e interesave të kredive, tha bankieri Levon Hamparcumjan para televizionit BTV. Duke e krahasuar krizën financiare..

botuar më 20-09-20 5.03.MD