Radioja Kombëtare Bullgare © 2021 Të gjitha të drejtat janë të rezervuara

Po aplikohen masa lokale kundra përhapjes së virusit

Varianti britanik i Covid-19 po sëmur gjithnjë e më shumë njerëz

Foto: BGNES

Vala e tretë e shpërndarjes së koronavirusit tanimë është fakt dhe pikërisht asaj i dedikohet tendenca për një rritje graduale të sëmundshmërisë dhe zënies së shtretërve spitalor në Bullgari, shpalli në brifingun e rregullt për situatën aktuale epidemike në vend ministri i shëndetësisë profesori Kostadin Angjellov. Ai dalloi dhe një fakt pozitiv – derisa gjatë javës së kaluar përkatësia midis numrit të porsa infektuarve kundrejt atij të të shëruarve ka qenë 3:1, gjatë kësaj jave vlerat janë 2:1.  

Shtimi i rasteve me Covid-19 i dedikohet shpërndarjes shumë të shpejtë të variantit britanik, tha akoma ministri. Aktualisht po infektohen 285 veta në çdo 100 mijë, por dallimi midis rajoneve të veçanta është shumë i madh. Kështu për shembull në qytetin Kjustendill  me koronavirus janë 487 në 100 mijë veta, kurse në qytetin Tërgovishte - 26 në 100 mijë. Kjo imponon aplikimin e një qasjeje lokale sa i përket masave kundraepidemike, deklaroi profesori Kostadin Angjellov. Ai dha si shembull Burgasin, ku sot shtabi regjional i ka anuluar operacionet e planifikuara dhe rekomandoi që këtë ta realizojnë  dhe në qytetet Kjustendill, Pleven dhe Vraca.

Gjatë muajit mars presim të marrim 105 300 vaksina të “Fajzer/”Bionteh”, 85 200 të “Modernës” dhe 300 mijë të “Astra Zenekës”, njoftoi Bogdan Kirillov, kryetar i Agjencisë Ekzekutive për ilaçet. Tani për tani nuk ka një konfirmim nga Gjermania dhe Franca për sigurimin e vaksinave, të cilat t’i kthejmë në një fazë më to vonshme, shtoi ai.

Bogdan Kirillov

Sa i përket fushatës zgjedhore dhe ngjarjet eventuale masive të partive ministri i shëndetësisë nënvizoi se, ngjarjet në të mbyllur  janë të ndaluara me ligj. Ai rekomandoi që politikanët të kujdesen për shëndetin e zgjedhësve të vet, duke e zhvilluar agjitacionin në distancë, kurse takimet me njerëzit të bëhen në të hapur gjatë respektimit të distancës dhe me mjete mbrojtëse.

Profesori Kostadin Angjellov u kushtoi vëmendje dhe teorive konspirative kundra përfitimeve nga vaksinimi, të cilat shumë shpejt arrijnë deri tek më të prekshmit - njerëzit e moshuar. “Çdo ditë ne luftojmë me gënjeshtra”, deklaroi ministri. Ky është shkaku që gjatë ditëve të ardhshme në mediat kombëtare të lëshohet një video për të motivuar ata të cilët akoma janë në mëdyshje.

Profesori Kostadin Angjellov

Bullgaria zë vendin e 18 për nga sëmundshmëria në Bashkimin Evropian. Deri në këtë moment afro 250 mijë veta janë të imunizuar kundra koronavirusit, kurse me dozën e dytë janë 41 mijë. Numri i të hospitalizuarve i tejkalon të 5 mijat. 48% nga shtretërit për pacientë të pa komplikuar janë të zënë në spitalet, si dhe 51% nga vendet në repartet intensive. 733 mjekë janë me Covid-19 në një total nga 10 309 që nga fillimi i epidemisë.  

Përgatiti në shqip: Nataniela Vasileva

Foto: BGNES


Më shumë nga rubrika

Bullgaria është ndër vendet që kanë arritur marrëveshje për Covid - pasaportat

Bullgaria është ndër 13 vendet - anëtare të BE-së, që arritën marrëveshje mbi 7 kritere, të cilat do të jenë të domosdoshme për aplikimin e certifikatave për të vaksinuarit kundër Covid-19, njoftojnë mediat austriake. Kriteret tashmë i janë dërguar..

botuar më 21-04-12 12.50.MD

Fillon muaji i shenjtë për myslimanët

Gjatë regjistrimit të fundit të popullsisë në Bullgari mbi 650 000 veta e kanë shënuar islamin fe të tyre. Nesër ata do ta presin muajin e shenjtë për myslimanët Ramazan. Gjatë kësaj kohe myslimanët do të agjërojnë shpirtërisht dhe..

botuar më 21-04-12 11.36.PD

Shumica e nxënësve të shkollës së mesme në Bosilegrad dëshirojnë të studiojnë në Bullgari

Pothuajse të gjithë 50 maturantët që mbarojnë shkollën e mesme në Bosilegrad dëshirojnë të vazhdojnë arsimin në një nga universitetet në Bullgari. Këtë e tregojnë rezultatet e një sondazhi të kryer ndër maturantët në të vetmen shkollë të..

botuar më 21-04-12 7.20.PD