“Është një ndjenjë e jashtëzakonshme të gjesh romanin “Fizika e trishtimit” pranë pikërisht këtyre 15 veprave të paharrueshme të përfshira në kursin “Letërsia Botërore Bashkëkohore” në Universitetin e Varshavës.” Çdo një prej tyre është nga librat e mi më të dashur.”
Këtë e shkroi në rrjetet sociale shkrimtari bullgar Georgi Gospodinov, pasi u bë e qartë se romani i tij tashmë është pjesë e programit të universitetit më të madh në Poloni.
Lista e veprave përfshin nja një autor nga 15 vende të mbarë botës. Midis tyre janë "Njëqind vjet vetmi" nga Gabriel Garcia Marquez, “Ese të zgjedhura” të Jorge Luis Borges, Orhan Pamuk me “Stambolli”, “Emri i trëndafilit” nga Umberto Eco, Haruki Murakami me "Ndjekja e deleve të egra" "dhe Joseph Heller me" Paragrafi 22 ".
Kursi do të zhvillohet në polonisht dhe studentët do të studiojnë romanin e dekoruar "Fizika e trishtimit", përkthyer nga Magda Pitlak. Romani, si dhe vetë Georgi Gospodinovi, janë dekoruar me çmimin prestigjioz Angelus.
Romanet janë njëfarë seleksionimi të kryeveprave të letërsisë botërore nga shekujt XIX dhe XX dhe do të jenë një shkas për të folur për konceptin e "letërsisë botërore" dhe çfarë vendi zënë këta libra në kulturën kozmopolite dhe kombëtare.
"Fizika e trishtimit" u botua për herë të parë në vitin 2011 dhe që nga atëherë është ribotuar 8 herë në Bullgari dhe është përkthyer në 15 gjuhë, duke përfshirë shqipen, anglishten, frëngjishten, italishten, greqishten dhe të tjera. Libri ka fituar 7 çmime ndërkombëtare në Gjermani, Itali dhe Shtetet e Bashkuara. Është shpallur ndër romanet më të mira të vitit në Zvicër, SHBA, Gjermani dhe Holandë. Është shpallur nga kritika italiane një nga tre librat më të rëndësishëm që janë publikuar atje në vitin 2013.
Filmi me metrazh të shkurtër “Fizika e Trishtimit” i Teodor Ushevit, i cili u shpall “animatori me ndikim më të madh në botë gjatë 25 viteve të fundit”, gjithashtu mori shumë çmime.
Përpiloi: Vesella KrëstevaPërgatiti në shqip: Vesella Mançeva
Nga data 11 deri më 13 prill në Sofje do të mbahet konferenca tradicionale shkencore ndërkombëtare “Lexime të studiuesve të arteve”, moduli “Arti i Vjetër”. Qëllimi i forumit, i organizuar nga Instituti për Studimin e Arteve pranë Akademisë Bullgare..
Më 8 prill, fillon Panairi i 61-të Ndërkombëtar i Librit për Fëmijë në Bolonja . Eventi më i madh ndërkombëtar i letërsisë për fëmijë këtë vit do të zgjasë deri më 11 prill dhe Bullgaria prezantohet për herë të parë me një stendë të veçantë tematike..
Më 5 prill, në prag të Fjetjes së Shën Metodi sllavo-bullgar kushtuar vëllezërve të shenjtë Kiril dhe Metodi, do të inaugurohet monumenti i parë bullgar në Mbretërinë e Spanjës. Ai u kushtohet vëllezërve të shenjtë Kiril dhe Metodi dhe është..
Midis biologjisë dhe ikonografisë kishtare, tangjentet janë të panjohura dhe të pakuptueshme për ata që i janë kushtuar shkencës. Për Ekaterina Titovën,..