Radioja Kombëtare Bullgare © 2021 Të gjitha të drejtat janë të rezervuara

7 ditët e para të kabinetit provizor në Bullgari

Foto: BGNES

Tashmë një javë Bullgaria qeveriset nga një kabinet i përkohshëm emëruar nga Presidenti Rumen Radev. Ministrat e përkohshëm bënë deklaratë se pavarësisht nga mandati i shkurtër dhe detyra kryesore – të organizojnë zgjedhjet e parakohshme parlamentare në vend, do të bëjnë një lloj rishikimi të qeverisjes së deritanishme të kabinetit “Borisov 3”. Filluan të paraqiten të dhëna për skema të mbrapshta, praktika skandaloze dhe keqpërdorimin e parave të shtetit. U bënë ndërrime në krye të administratës shtetërore, figura të rëndësishme u zëvendësuan në Ministrinë e Brendshme, Agjencinë Kombëtare të të Ardhurave dhe Agjencinë Doganore.

“Njerëzit do të pëlqejnë atë që bënë kabineti i përkohshëm”, është kategorik sociologu Përvan Simeonov.

Përvan Simeonov

“Shumica e njerëzve në vend duan një formë të rishikimit dhe gjëra të tilla tashmë po ndodhen. Në të njëjtën kohë ky kabinet provizor është një pasqyrë e strukturës shoqërore. Në Bullgari mbizotërojnë forcat që janë kundër qeverisë GERB, por gjëja specifike është se kjo shumicë është në tri zëra: njërën e Partisë Socialiste Bullgare (BSP), tjetrën liberale të personifikuar nga “Bullgaria Demokratike” dhe të tretën që thotë “dilni të gjithë” – këta janë mbështetësit e Sllavi Trifonovit. Presidenti Rumen Radev përpiqet të flasë në tri gjuhët dhe kjo u mishërua në protestat gjatë verës së vitit 2020 dhe tani, në kabinetin e përkohshëm. Ose siç tha vet Presidenti, ky është një kabinet në të cilin ka të majtë, të djathtë dhe centristë. Në këtë kuptim kabineti i përkohshëm pasqyron pritjet e bullgarëve.”

Kjo qeveri provizore nuk është si ato që kemi pasur deri më tani. Para saj duhet të vendosim përkufizimin emergjencë sepse situata është e jashtëzakonshme” – komentoi para BNR Metodi Andreev, ish deputet i Bashkimit të Forcave Demokratike në Legjislaturën e 38-të të Kuvendit Popullor dhe përfaqësues popullor nga kuota civile e partisë GERB në Legjislaturën e 43-të të parlamentit.

Metodi Andreev

“Për here të pare që prej tri mandatesh Bullgaria nuk qeveriset nga mafia dhe kur një shtet dil nga qeverisja e mafisë, masat duhet të jenë të jashtëzakonshme. Dhe masat që i ndërmerr kjo qeveri – disa i miratoj, të tjerë – jo, por në përgjithësi e mbështes orientimin e saj.”

Sipas tij mjafton që qeveria e përkohshme të tregojë krimet e kryera dhe pastaj qeveria e rregullt të vazhdojë në mënyrë legjislative atë që qeveria e përkohshme e ka treguar si zbulime.

Ka dy këndvështrime për atë që ndodh në shtet në momentin e tanishëm, komentoi politologu dhe autor i librit “Shteti i ri” Dimitër Avramov.

Dimitër Avramov

“Nga këndvështrimi i partisë GERB, i partnerëve të saj të koalicionit dhe i të gjithë atyre që kanë pasur akses në tryezën shtetërore dhe buxhetin, ky do të jetë një spastrim – tha ai në një intervistë për BNR. – Nuk mund të mohojmë gjithçka të arritur nga një qeveri, por është fakt, se gjatë 3-4 viteve të fundit resurset e shtetit dhe të buxhetit derdheshin në biznesin e madh. Ky është një proces i cili quhet oligarkizim, domethënëpak njerëz marrin nga burimet e kombit, ndërsa shumica është nën presion dhe i nënshtruar ekonomikisht. Kjo është e dukshme, madje përmes Bankës për Rindërtimin dhe Zhvillimin – një bankë e krijuar për të përkrahur  firma të vogla dhe të mesme, gjë që është e regjistruar si kusht për funksionimin e saj, por papritmas ajo fillon t’u jepen kredi kompanive të mëdha. Shumica prej tyre miq të pushtetit. Nuk ka rëndësi të cilit i përkasin këto kompani, me rëndësi është, se shteti u përdor nga ish kryeministri dhe Këshilli i Ministrave, nga Ministri i Ekonomisë dhe nga qarqet politike dhe ekonomike prapa tyre për përfitime private.”

Tani po vërehet efekti politik nga praktikat e mbrapshta dhe nga oligarkizimi i shtetit, shpjegoi Dimitër Avramov dhe parashikoi:

Gjatë dy muajve të ardhshëm fillon një proces i padukshëm publikisht i negocimit të statusquos së ardhshme qeverisëse e cila të ndalojë ndryshimin. Nuk bëhet fjalë se ndryshimi do të thotë që në pushtet të vijnë të ashtuquajturat parti të protestës. Me ndryshim nënkuptoj krijimin e rregullave të cilat  do të japin akses të barabartë të të gjithë shtetasve bullgarë në shtet.”

Përpilues: Elena Karkallanova (sipas intervistave të Diana Donçeva, Diana Jankullova, Daniella Goleminova, BNR – “Horizont”)

Përgatiti në shqip: Svetllana Dimitrova

Foto: BGNES, RKB-arkiv


Më shumë nga rubrika

A do të ketë shumicë solide për formimin e qeverisë së re?

Pika kontakti mbi disa çështje kryesore politike dhe udhëzime për veprim – kështu më shkurtimisht mund të përshkruhen konsultimet e mbajtura gjatë fundjavës midis partisë “Ka një popull të tillë” dhe partive të prezantuara parlamentare, me përjashtim të..

botuar më 21-07-27 1.16.MD

Zoran Zaev: Do të përfshijmë bullgarët në Kushtetutë kur të hyjmë në BE

Njerëzit me vetëdije bullgare do të përfshihen në kushtetutën e Maqedonisë Veriore krahas popujve të tjerë atje – shqiptarët, boshnjakët etj, kur vendi ynë aderohet si anëtar i Bashkimit Evropian, deklaroi sot Kryeministri i Maqedonisë Veriore Zoran..

botuar më 21-07-26 7.37.MD

Ngjarjet me adresë ballkanike

"Mini Shengeni" ballkanik-perëndimor do të ketë një emër të ri Në forumin e ardhshëm ekonomik për një bashkëpunim regjional në Shkup, më 28 dhe 29 korrik, do të firmosen 3 marrëveshje, njoftoi presidenti i Serbisë Aleksandër Vuçiç, pas..

botuar më 21-07-23 3.03.MD