Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Tregtia elektronike në BE modernizohet me rregulla të reja të TVSH-së

Foto: arkiv

Rregullat e reja të TVSH-së për tregtinë elektronike hyjnë në fuqi nga 1 korriku 2021 në të gjithë BE. Qëllimi është të ulin barrën administrative të bizneseve të cilat realizojnë shitje transkufitare online nëpërmjet vendosjes së një sistemi unik për deklarimin dhe pagimin e TVSH-së, të quajtur One Stop Shop (OSS), ose shërbim në një sportel. Si ky sistem do të lehtësojë tregtarët në internet?

“Për ta tashmë nuk do të jetë e domosdoshme të regjistrohen për TVSH në vendin në të cilin i shitën mallrat përdoruesit përfundimtar – shpjegon eurodeputetja bullgare Cvetelina Penkova, anëtare e Komisionit të Kontrollimit Buxhetor në Parlamentin Evropian. – Ka disa kushte – mallrat dhe shërbimet mbi 10 mijë euro mund të deklarohen nga tregtarët dhe TVSH-ja të paguhet në shtetin anëtar të blerësit, pa atë të vendosë barra dhe procedura suplementare administrative, siç ishte situata deri më tani, domethënë ata nuk kanë nevojë të regjistrohen në shtetin përkatës anëtar.  Kur bëhet fjalë për shitjen e mallrave dhe shërbimeve nën 10 mijë euro, përkatësisht TVSH-ja mund të paguhet edhe në shtetin anëtar të tregtarit. Në këtë mënyrë do të lehtësohen më në veçanti platformat.”

Një risi tjetër në krijimin e një regjimi unik të TVSH-së për furnizimet transkufitare të mallrave dhe shërbimeve është heqja e pragut për përjashtimin e TVSH-së në importet e mallrave me vlerë deri në 22 euro.

“Ekziston dhe një aksent që ka të bëjë me mallrat e importuara nga vende të treta në territorin e bashkimit dhe ato janë subjekt i TVSH-së – shton Cvetelina Penkova. – Për të lehtësuar tregtarët kjo mund të bëhet përmes një platforme, e cila është pjesë e sistemit, dhe quhet Import One Stop Shop(IOSS).Kështu shuma e TVSH-së së detyrueshme, e cila do të përcaktohet nga legjislacioni kombëtar i shtetit në të cilin importohen mallrat do të mund të paguhen përmes kësaj platforme online.”

Përparësitë e këtyre rregullave të reja janë të dyfishta: ato krijojnë kushte për transparencë dhe besim më të madh te konsumatorët dhe mbledhje më të madhe të taksave nga shtetet anëtare të BE-së. Çfarë duhet të bëjnë tregtarët për të përfituar nga ky shërbim “në një sportel”?

“Vet sistemi u hap për regjistrimin e tregtarëve që nga 1 prilli 2021 dhe do të jetë aktiv dhe punues nga 1 korriku – saktëson eurodeputetja Cvetelina Penkova. – Kjo do të thotë se të gjithë tregtarët që dëshirojnë të përfitojnë duhet të kontrollojnë se cilat dokumente kërkohen për regjistrimin e tyre, pasi kjo tashmë mund të bëhet.”

Informacioni i plotë për rregullat e reja dhe për regjimin e shërbimit në një sportel për TVSH, si dhe informacion për këtë se çfarë mund të bëni për të përfituar nga sistemi i ri mund të gjeni në ueb sajtin e Komisionit Evropian.

Për Evranet plus: Elena Karkallanova

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

“OMV Petrom” merr përsipër kërkimin e gazit në zonën bullgare të Detit të Zi

Kompania rumune “OMV Petrom”, e cila është pjesë e OMV austriake, do të operojë plotësisht bllokun detar “Han Asparuh”. Në koncesionin për kërkimin e gazit kompania merr përsipër pjesëmarrjen e deritanishme të kompanisë franceze “TotalEnergies”...

botuar më 24-03-27 11.42.PD

Çmimet e banesave në Bullgari janë rritur me 10% brenda një viti

Në tremujorin e katërt të vitit 2023, çmimet e banesave në Bullgari janë rritur me 10,1% krahasuar me tremujorin e katërt të vitit 2022. 10,5% është rritja e çmimeve të banesave të reja dhe 9,8% e banesave ekzistuese. Këtë e tregojnë të dhënat e..

botuar më 24-03-25 3.57.MD

Vendet e eurozonës uruan Bullgarinë për përparimin e saj

Vendet e eurozonës mirëpritën Bullgarinë për përparimin e saj në rrugën drejt futjes së euros, njoftoi BTA. Në një deklaratë, pas përfundimit të takimit dyditor të Këshillit Evropian në Bruksel, vendet e Eurozonës inkurajojnë vendin tonë për..

botuar më 24-03-22 5.25.MD