Programi i ditës

Radioja Kombëtare Bullgare © 2021 Të gjitha të drejtat janë të rezervuara

Si të ruajmë kujtime të mira nga Sofja me ....kartolinë në dorë

7
Foto: Zllatina Toçkova

A i mbani mend kartolinat nga e kaluara jonë? Ato mbi letër, të cilat prindërit tanë si dhe prindërit e tyre ua kanë dërguar njerëzve të tyre të dashur, kur kanë qenë larg njëri nga tjetri. Një vajzë 24 vjeçe do të na japë mundësinë ta provojmë këtë kënaqësi nga e kaluara. Sibilla Kerelezova është autore e një udhëzuesi të ri kulturor për hapësirat e artit në Sofje, i cili është nën formën e kartolinave. E veçanta e Best Regаrts from Sofia është se çdo një faqe, e cila prezanton një galeri të veçantë në kryeqytet, është e shpuar, mund të këputet dhe të nxiret fare lehtë dhe të dërgohet deri tek ndonjë njeri i afërt ose thjesht të ruhet si një kujtim i shtrenjtë nga vendi i vizituar, tregon autorja.


“Ideja lindi vjet, derisa po bëja gati punën time të diplomës në “Projektimin e inxhinierisë” në Universitetin Teknik në Sofje. Tema qe “Udhëzues nëpër Sofje” dhe vet punimi im ishte në po këtë formë - të faqeve të shpuara, por atëherë kartolinat qenë fotografi të mia personale, - tregon Sibilla.

Sibilla Kerelezova

Atëherë bëra një tirazh shumë të vogël, të cilin ua dhashë shokëve të mi. Ata e pëlqyen shumë dhe kështu më lindi ideja të bëj një udhëzues, i cili t’u kushtohet hapësirave për kulturë, sepse një format i tillë, me kartolina poste tek ne nuk ka. Synimi im ngeci për ca kohë derisa hasa në një konkurs të Fondit Kombëtar “Kulturë” nën programin "Iniciativa Krijuese”, i cili është i orientuar drejt autorëve të pavarur. Unë aplikova, ata më miratuan dhe kështu e realizova broshurën.”

Është kthyer drejt galerive sepse ajo vetë merret me art dhe ka dashur që këtë pasion të saj ta kthejë në një produkt, i cili të jetë i dobishëm për një pjesë më të madhe njerëzish. Sot botimi i gatshëm përfaqëson 11 galeri të cilat Sibilla i konsideron një pjesë  integrale të frymës artistike të Sofjes moderne.


“Hapësirat të cilat janë të përfshira janë një pjesë e rëndësishme nga peizazhi kulturor i kryeqytetit tonë, me fjalë të tjera ato formojnë skenën  për artin në Sofje. Kam përfshirë të gjitha filialet e Galerisë Kombëtare -“Pallatin, “Kuadrat 500”, Muzeun për një Art të Krishterë, Muzeun për një Art Socialist, si dhe këtë për një art modern - Arsenali i Sofjes. Nuk janë lënë pas dore dhe dy galeritë e Lidhjes së Piktorëve Bullgarë - “Shipka 6” dhe “Rajko Aleksiev”, galeria “Akademia” e Akademisë Kombëtare të Arteve, ku unë po mësoj në këtë moment “Projektim grafik”, si dhe Galeria Artistike e Qytetit të Sofjes dhe filialet e saj. Imazhet mbi vet kartolinat janë ilustrime të mia prej autori, ku pothuajse të gjitha prezantojnë fasadat e vet ndërtesave.”


Çdo një kartolinë përmban dhe një tekst të shkurtër për historinë e hapësirës së paraqitur dhe se çfarë mund të shikohet në të. Tekstet janë në gjuhën bullgare dhe angleze, sepse botimi është i orientuar si drejt banuesve vendas në Sofje, kështu dhe drejt miqve të qytetit dhe turistëve të huaj, të cilët vijnë këtu. Për ta ai mund të shërbejë si një udhëzues-sqarues, është kategorike Sibilla. Në vet botimin është vendosur dhe një hartë e veçantë të Sofjes, me të cilën më lehtë të lokalizohet vendi i një galerie të dhënë.

Botimi do të shpërndahet krejtësisht falas dhe mund të gjendet në të gjitha galeritë e përfshira në të, si dhe nëpër qendrat turistike pranë Bashkisë së Kryeqytetit - në nënkalimin e Llargos dhe në nënkalimin e Universitetit të Sofjes “Shën Kliment Ohridski”.


Dhe meqenëse kujtimet nga udhëtimet nëpër Bullgari mund të “lindin” madje dhe libër ne ju rikujtojmë që ndalesa për vende përrallore nëpër vendin tonë ka kudo.

Foto: Zllatina Toçkova

Përgatiti në shqip: Nataniela Vasileva



Më shumë nga rubrika

Foto: Ambasada e Republikës së Shqipërisë në Sofje

Arti i të shkruarit dhe magjia e fjalëve po bashkojnë gjithnjë e më shumë Bullgarinë dhe Shqipërinë

Para disa ditësh Ambasada Shqiptare në Bullgari në bashkëpunim me Katedrën e Ballkanistikës në Universitetin e Sofjes “Shën Kliment Ohridski” promovuan librin e autorit, piktorit dhe fotografit shqiptar Fate Velaj titulluar “Kryqëzimi”, i..

botuar më 21-10-11 11.29.PD
Zahari Kamenov

Një shëtitje fotografike në studion e Zahari Kamenovit

Në studion e Zahari Kamenovit   gjithmonë ka një ngjyrim të veçantë dhe është shumë interesante. Piktori ka prezantime të shumta jashtë shtetit - në Meksikë, Kore, Gjermani, Zvicër, Francë, Holandë, Turqi, Çeki, Japoni. E vizitojmë në një moment të..

botuar më 21-10-11 7.15.PD

Bienalja e Tretë Ndërkombëtare e Qelqit po mbahet në Sofje

Bienalja Ndërkombëtare e Qelqit është ngjarja më e madhe dhe profesionale në Bullgari, e cila i kushtohet qelqit artistik. Edicioni i tij i tretë vazhdon deri më 7 nëntor 2021. Mikpritës i tij është Galeria Kombëtare në Sofje -“Kuadrat 500” dhe..

botuar më 21-10-09 2.05.MD