Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

I ftojmë Krishtlindjet në jetën tonë të përditshme

Foto: BGNES

Një yll prej 80 centimetrash shkëlqeu në majë të Pemës së Krishtlindjes në qendër të Sofjes. Pema halore është e gjallë dhe e lartë 13 metra dhe e zbukurojnë mbi 10 000 drita, flokë bore dhe topa. Dy drerë të mëdhenj të ndezur kanë "gjetur strehë" nën Pemën e Krishtlindjes për kënaqësinë e fëmijëve që kalojnë. Fillimi simbolik i euforisë festive u vendos me një fishekzjarre madhështore më 1 dhjetor në prani të medalisteve të arta olimpike nga Ansambli Bullgar i Gjimnastikës Ritmike.

I gjithë parku përballë Pallatit Kombëtar të Kulturës /NDK/ në qendër të kryeqytetit tonë është i dekoruar bukur. Nga data 9 deri më 23 dhjetor aty do të vendoset një Qytezë e Krishtlindjeve, e cila do t'u ofrojë banorëve dhe mysafirëve të qytetit një pazar festiv në natyrë dhe një program kulturor.

Tradicionalisht, në ditën e parë të dhjetorit, shumë qytete bullgare ndezën dekorimet e tyre festive.

Pema e Krishtlindjes në Plovdiv është bërë nga një fabrikë në qytetin e afërt Rakovski, i cili është i vetmi prodhues i Pemëve të Krishtlindjeve në Ballkan. Drita të shumta vezullojnë mbi 4000 degëza jeshile në pemën e lartë 13 metra. Një kënd i veçantë, i bërë nga maturantët e Shkollës së Mesme Kombëtare për Artet Skenike në Plovdiv, fton banorët e qytetit dhe mysafirët e tij të bëjnë fotografi si kujtim midis dekorimeve festive dhe Plakut të Vitit të Ri, njoftoi BNR-Plovdiv.


Dhjetori është muaji më magjik për fëmijët që e presin me padurim plakun e mirë dhe janë gati ta befasojnë me bukuritë e bëra prej tyre. Në qytetin Bllagoevgrad, për shembull, më 6 dhjetor, punëtoria e Elfëve hapi dyert e saj, ku fëmijët mund të bëjnë kartolina dhe dekorime për Krishtlindjet. Iniciativa është e Bibliotekës Rajonale “Dimitër Talev” dhe është pjesë e programit festiv të Bashkisë së Bllagoevgradit.

Pema e Krishtlindjes u ndez edhe në qytetin Sredec me koncertin "Yjet e Krishtlindjeve" dhe me pjesëmarrjen e shumë fëmijëve nga kopshtet e rajonit. U vu fillimi i një konkursi për dekorimet më të bukura të Krishtlindjeve. Për ngritjen e humorit kontribuoi edhe Pazari i Shën Nikollës me ushqime tradicionale dhe surpriza të tjera për tryezën tonë festive, ndërsa më 23 dhjetor kolendarët e vegjël nga kopshtet e Bashkisë së Sredecit do të bëjnë urimin e tyre për shëndet dhe pjellori vitin e ardhshëm, njoftoi BNR-Burgas.

Buzë detit filloi edicioni i 15-të i konkursit “Le të dekorojmë Burgasin”. Dhjetori është koha për të ftuar frymën festive, thonë organizatorët. "Le ta ndriçojmë Burgasin me dritë dhe shpresë!" është motoja e konkursit, i cili inkurajon kreativitetin dhe iniciativën personale të qytetarëve të Burgasit.

Të frymëzuar nga Krishtlindjet, secili prej nesh mund të bëjë një magji, duke dhuruar një libër. Për të dytin vit radhazi Rrjeti Kombëtar për Fëmijët zhvillon fushatën “Një fëmijë po pret magji! Bëhuni një magjistar - jepini atij një libër. Fushata u është drejtuar fëmijëve që jetojnë në varfëri, të mbijetuarve të dhunës, fëmijëve nga familjet kujdestare ose atyre që për arsye të tjera nuk jetojnë me prindërit e tyre.

Ka shumë fëmijë që ëndërrojnë të marrin një libër, por kjo nuk ndodh kurrë. Çdo fëmijë i pestë në Bullgari nuk ka libra të përshtatshëm për moshën e tij, tha për BNR-Varna Maria Brestniçka nga Rrjeti Kombëtar për Fëmijët. Me ndihmën e organizatave civile ata kanë mbledhur urimet e fëmijëve nga i gjithë vendi. Deri më tani, dhuruesit magjistarë kanë përmbushur dëshirat e mbi 900 fëmijëve, por vazhdimisht vijnë të reja, të cilat publikohen menjëherë në platformën e fushatës Qëllimi i madh është që natën e Krishtlindjes të kemi sa më shumë fëmijë të lumtur.

Përpiloi: Elena Karkallanova

Përgatiti në shqip: Vesella Mançeva

Foto: BGNES, BNR-Plovdiv, BNR-Burgas, BNR-Varna, stolica.bg, Biblioteka Regjionale “Dimitër Talev” – Bllagoevfrad, napravimagia.org



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD