Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Një film i ri bullgar në kinema

“Xhaxhai i Krishtlindjeve” – një histori qesharake pak e trishtuar për ëndrrat e vërteta njerëzore

Foto: @ChichoKoledaMovie

Çdo premierë e një filmi të ri artistik bullgar është shkak për gëzim. Dhe kur vetëm ditë të numëruara para Krishtlindjeve kemi mundësinë të zhytemi në emocionin e festës dhe të ndjejmë, përmes ekranit të madh, ngrohtësinë e ëndrrave dhe dëshirave më të thella njerëzore, atëherë kënaqësia është e pazëvendësueshme. Këtë premton të na ofrojë një nga filmat e paktë të Krishtlindjeve në kinematografinë vendëse – “Xhaxhai i Krishtlindjeve”.

Historia lindi nga fati real jetik i dy jetimëve bullgarë, të adoptuar nga një familje amerikane dhe të braktisur vetëm një javë më vonë. Sidoqoftë rasti i vërtetë është vetëm një pikënisje për subjektin e filmit “Xhaxhai i Krishtlindjeve”, thotë regjisori Ivajllo Pençev. Filmi mban frymën e Krishtlindjeve dhe ndërthur fatet e disa personazheve. Në qendrën e subjektit janë një fëmijë që ëndërron të ketë një familje dhe një burrë i veshur në kostumin e Babagjyshit të Krishtlindjeve, i cili e ka humbur kujtesën. Mbi këtë bazë regjisori dhe skenaristët – kolegë nga Radioja Kombëtare Bullgare Vesell Cankov dhe Bozhan Petrov i ndjerë, tregojnë një histori pak qesharake dhe pak e trishtuar, në të cilën secili mund ta zbulojë veten.

“Shtrohen tema dhe çështje serioze, mbi të cilat spektatori mund të mendojë dhe të kërkojë përgjigje – për familjen, për miqësinë, për ndjesën, për hipokrizinë në shoqërinë tonë dhe kryesisht – për dashurinë në të gjitha përmasat e saj. Natyrisht fundi i filmit është i lumtur, sepse kjo është një histori Krishtlindjesh, do të thosha familjare, e përshtatshme për të gjitha moshat.”

Filip Avramov

Dhe një dëshmi për këtë janë fëmijët e shumtë në premierën e filmit, të cilët mbetën si të ngulitur në vendet e tyre të mahnitur nga tema e filmit. E qeshura mes lotëve ishte përjetimi për më të mëdhenjtë. Pyetjes – A është e vështirë të realizohet një film bullgar për Krishtlindjet? – Ivajllo Pençev iu përgjigj kategorikisht:

“Është e vështirë, sidomos kur xhirohet një komedi, sepse kjo është zhanri më kompleks. Është shumë më e lehtë ta bësh shikuesin të qajë, ta befasosh me disa tmerre, sesa ta bësh të qeshë. Dhe kështu është në mbarë botën.”

Për të, megjithatë, është e rëndësishme që e qeshura të ekzistojë vetëm kur ajo shkaktohet nga gjëra kuptimplota.

Unë jam kundërshtar i komedisë së cirkut në kinema, më pëlqen humori inteligjent dhe përmes humorit mund të tregojmë për gjërat e rëndësishme që na preokupojnë si njerëz.”

Alen Angellov në një skenë me artistin Vasill Banov

Dhe mbi parimin “kur diçka punon mos e ndrysho”, regjisori prapë zgjedh artistë me të cilët realizoi dhe dy projektet e tij të mëparshme – “Pushuesit” dhe “Sa për të fundit”. Ndër ta janë Filip Avramov, Malin Krëstev, Vasill Banov, Stefan Denoljubov, Sofija Bobçeva, Kitodar Todorov, Anja Pençeva. “Secili prej tyre do të befasojë spektatorët”, është i bindur regjisori.

Për  spektatorët më të mëdhenj “Xhaxhai i Krishtlindjeve” ndërthur në vet veten edhe satirë politike të lidhur me jetën tonë të përditshme.

“Para pak kohe isha në Gjermani, ku bëmë një turne të madhe me filmin tim të mëparshëm “Sa për të fundit” me pjesëmarrjen e artistëve Vasill Banov dhe Mria Bakallova dhe patëm takime me shumë bullgarë atje. Ndjemë një nostalgji te ata njerëz të cilët jetojnë jashtë shtetit, dhe kanë një qëndrim të vërtetë ndaj Bullgarisë. Satira në filmin “Xhaxhai i Krishtlindjeve” është e kuptueshme për çdo bullgar, sepse ne jemi dëshmitarë të zhvillimeve politike.”

Regjisori Ivajllo Pençev gjatë xhirimit të filmit

Filmi “Xhaxhai i Krishtlindjeve” tashmë është mbajtës i Çmimit të Publikut nga Festivali “Trëndafili i Art” dhe Çmimit të qytetit Varna nga Festivali “Dashuria është Çmenduri” këtë verë. Dhe dëshira e regjisorit Ivajllo Pençev ështël që spektatorët ta shohin veten me buzëqeshje dhe në fund të fundit t’i thonë vetes “Jeta është e mrekullueshme!”. Sidomos në prag të Krishtlindjeve!

“Krishtlindjet janë një festë e mrekullueshme dhe u uroj dëgjuesve festa të lumtura, shumë buzëqeshje, fat të mbarë dhe ... besoni në Xhaxhain e Krishtlindjeve. Kur besojmë gjërat do të realizohen!”

Përgatiti në shqip: Svetllana Dimitrova
Foto: @ChichoKoledaMovie


Последвайте ни и в Google News Showcase, за да научите най-важното от деня!

Më shumë nga rubrika

U dhanë çmimet vjetore teatrore “Ikarus”

Në Ditën Botërore të Teatrit - 27 mars, në një ceremoni në Teatrin Popullor "Ivan Vazov", u dhanë për të 50-tën herë çmimet e artit skenik "Ikarus". "Haga" u shpërblye për performancën më të mirë. Krijuar nga autorja ukrainase Sasha Denisova dhe..

botuar më 24-03-28 9.31.PD

"Nga gazeta në muze" - karikaturat nga socializmi, të mbledhura në një ekspozitë

Një përpjekje për të rikthyer zhanrin e karikaturave në kushtet e sistemit totalitar të qeverisjes në Bullgari midis viteve 1944 dhe 1989 po bën ekspozita “Nga gazeta në muze”, e cila për të pestin muaj tashmë po tërheq vizitorët në Muzeun e Artit nga..

botuar më 24-03-23 9.30.PD

“Sofia Film Fest” viziton sërish Varnën

Më 22 mars, me filmin bullgar "Kurthi", në kryeqytetin tonë detar Varna fillon edicioni i XV-të i "Sofia Film Fest", njoftojnë organizatorët nga "Artin Vision". Nga  22 deri më 30 mars, adhuruesit e artit kinematografik në Varna mund të shohin një..

botuar më 24-03-22 6.55.PD